টি২০ বিশ্বকাপঃ ‘ভাৰতীয়’ হৈ পৰিল এজন পাকিস্তানী অনুৰাগী, ট্ৰেক্টৰ বিক্ৰী কৰি খেল চাবলৈ গৈছে তেওঁ

পাকিস্তান বনাম ভাৰতৰ খেলখনৰ টিকটৰ মূল্য আকাশলংঘী। খেল চাবলৈ আহিবলৈ তেওঁ ডেৰ-দুই লাখ টকাত ট্ৰেক্টৰখন বিক্ৰী কৰি দিলে। পাকিস্তানে তেওঁৰ হৃদয় জয় কৰিব নোৱাৰিলে। কিন্তু ভাৰতীয় ক্ৰিকেটাৰে কৰিলে৷

সমৰ্থকজনে পাকিস্তানৰ জাৰ্চি পিন্ধি ভাৰত-আমেৰিকাৰ খেলখন চাবলৈ আহিছিল। খেলৰ অন্তত তেওঁ এটা প্ৰেছৰ জৰিয়তে কয়- ‘‘ট্ৰেক্টৰখন ডেৰ-দুই লাখ টকাত বিক্ৰী কৰি ভাৰত-পাকিস্তানৰ মেচ চাবলৈ আহিছিলো। পাকিস্তান পৰাস্ত হোৱাত মই হতাশ হৈ পৰিলোঁ৷ কিন্তু সাধাৰণ জনতাই মোক প্ৰচণ্ড সমৰ্থন আগবঢ়াইছিল। বহুতে নিজাববীয়াকৈ মোলৈ মেছেজ পঠিয়াইছে। সেইবোৰ পঢ়ি মই আহি ভাৰতক সমৰ্থন কৰাৰ প্ৰয়োজনীয়তা অনুভৱ কৰিলোঁ।”

সেই মেচখন চাই সমৰ্থকে বহুত মজা পাইছিল। ক'লে, "মই এটা কথা বেলেগে ক'ব বিচাৰো। সূৰ্য্যই মোৰ হৃদয় জয় কৰিছে। তেওঁ বৰ ভাল খেলিছিল। বহুত মজা লাগিল। ট্ৰেক্টৰ বিক্ৰীৰ ধন উচুল কৰা হৈছে।”

মন কৰিবলগীয়া যে ভাৰত-পাকিস্তানৰ খেলখন চোৱাৰ পাছত তেওঁ কয়, "মই তিনি হাজাৰ ডলাৰত টিকট কিনিছিলো আৰু খেল চাবলৈ আহিছিলো। ভাৰতৰ স্ক’ৰ দেখাৰ পিছত মই এবাৰো ভবা নাছিলো যে আমি মেচখনত পৰাস্ত হ’ব পাৰো। মই ভাবিলোঁ এই দৌৰটো সহজেই তুলি ল’ব পাৰি। মেচখন আমাৰ হাতত আছিল। কিন্তু বাবৰ আজম ওলাই অহাৰ পিছত মই হতাশ হৈ পৰিলোঁ। গ্ৰীটিংছ ইণ্ডিয়ান ফেনছ।"