ফুলি উঠা এপাহ ফুল হঠাতে মৰহিল! ৰাছিয়াৰ আক্ৰমণত মৃত্যু ইউক্ৰেইনৰ ২০ বছৰীয়া খেলুৱৈৰ

 ডান্স স্পৰ্টছৰ চেম্পিয়ন ডাৰিয়া কুৰডেলে ৰাছিয়াৰ ইউক্ৰেইনৰ ক্ৰাইভী ৰিহৰ গুলীচালনাত হেৰুৱালে প্ৰাণ। পাহি মেলি ফুলি উঠা এপাহ ফুল হঠাতে মৰহি গ’ল। ৯ জুলাইত এই অঞ্চলত ৰাছিয়াই বিমান আক্ৰমণ চলাইছিল, য’ত ডাৰিয়া আহত হৈছিল। অশেষ চেষ্টাৰ অন্ততো তেওঁৰ প্ৰাণ ৰক্ষা কৰিব পৰা নগ’ল। ২০ বছৰীয়া ডাৰিয়া কুৰডেল ডান্স স্পৰ্টছৰ বিশেষজ্ঞ আছিল। তেওঁ এই ক্ষেত্ৰখনত চেম্পিয়নৰ খিতাপো অৰ্জন কৰিছে। ডান্স স্পৰ্টছ ৰাছিয়া আৰু ইউক্ৰেইন অঞ্চলৰ এক অতি বিখ্যাত খেল, যিটো সদায় শিৰোনামত থাকে।

উল্লেখ্য যে চলিত বৰ্ষৰ ২০ ফেব্ৰুৱাৰীৰ পৰা ৰাছিয়া আৰু ইউক্ৰেইনৰ মাজত যুদ্ধ আৰম্ভ হৈছিল আৰু এতিয়ালৈকে যুদ্ধ চলি আছে। ৰাছিয়াৰ আক্ৰমণত ইউক্ৰেইনৰ বহু চহৰ ধ্বংস হোৱাৰ লগতে হাজাৰ হাজাৰ লোকৰ মৃত্যু হয়। ৰাছিয়াৰ এই আক্ৰমণৰ বাবে বিশ্বৰ বহু দেশে ৰাছিয়াক নিষিদ্ধ কৰিছিল যদিও ৰাছিয়াই এই পদক্ষেপৰ পৰা একেবাৰেই পিছুৱাই নাহিল। ইফালে ইউক্ৰেইনে বিভিন্ন দেশ আৰু সংগঠনৰ পৰা অহৰহ সমৰ্থন বিচাৰি আছে। শেহতীয়াকৈ ইউক্ৰেইনেও ভাৰতকে ধৰি মুঠ ৯খন দেশৰ পৰা নিজৰ ৰাষ্ট্ৰদূতক অপসাৰণ কৰিছে।