আইপিএল চেম্পিয়ন হোৱাৰ পাছতে বিয়া পাতিলে কেকেআৰৰ বেটাৰ ভেংকটেশ আয়াৰে

দেওবাৰে পুৱা বিবাহপাশত আবদ্ধ হয় কেকেআৰৰ অল-ৰাউণ্ডাৰ বেংকটেশ আয়াৰে। দীৰ্ঘদিনীয়া প্ৰেমিকা শ্ৰুতি ৰঘুনাথনৰ সৈতে বিবাহপাশত আবদ্ধ হয়। ২০২৩ চনৰ নৱেম্বৰ মাহত তেওঁলোকৰ এংগেজমেণ্ট হৈছিল। বিবাহ অনুষ্ঠানত পৰিয়ালৰ সদস্য আৰু আত্মীয় দুয়োজনেই উপস্থিত থাকে। বেঙ্কতেশৰ বন্ধু কেইজনমানো থাকে। ছচিয়েল মিডিয়াত ভাইৰেল হৈ পৰিছে কে কে আৰ ক্ৰিকেটাৰৰ বিয়াৰ ছবি। বহু ক্ৰিকেটপ্ৰেমীয়ে নৱবিবাহিত দম্পতীৰ নতুন জীৱনৰ কামনা কৰে।

এইবাৰৰ আই পি এলত মধ্যপ্ৰদেশৰ ক্ৰিকেটাৰগৰাকীয়ে কে কে আৰৰ হৈ ১৪খন খেল খেলিছিল। ১৫৮.৮০ ষ্ট্ৰাইক ৰেটত ৩৭০ ৰান সংগ্ৰহ কৰে। তেওঁ চাৰিটা পঞ্চাশ অৰ্জন কৰে। ২০২১ চনৰ পৰা কেকেআৰৰ হৈ আইপিএল খেলি আহিছে বেনকাতেশে। এইবাৰ তেওঁ প্ৰথমবাৰৰ বাবে আই পি এল জয়ৰ সোৱাদ পালে। শ্ৰেয়াছ আয়াৰৰ দলৰ অন্যতম গুৰুত্বপূৰ্ণ সদস্য।