ইনজামাম উল হকক অপমান কৰিছে মহম্মদ শ্বামীয়ে! ক্ষুব্ধ হৈ পৰিছে পাকিস্তানী ক্ৰিকেটাৰ, কি কৈছিল শ্বামীয়ে?

নিজৰ ইউটিউব চেনেলত বাচিটে কয়, “শ্বামীয়ে যেতিয়া ইনজিভাইক কাৰ্টুন বুলি কয় তেতিয়া কেতিয়াও ভাল শুনা নাযায়। ইনজামামে দেশৰ নেতৃত্ব দিছিল। শ্বামীৰ ভাষা একেবাৰে ভাল নহয়। আমি তেওঁৰ বলিঙৰ শলাগ লওঁ। কিন্তু শব্দ বাছনি ভাল হ’ব লাগিছিল। মোৰ বৰ দুখ লাগিছে।”

বাছিটৰ দাবী যে ইনজামামৰ প্ৰতি সন্মান দেখুৱাব লাগিছিল। বয়োজ্যেষ্ঠসকলক সন্মান নকৰিলে ক্ৰিকেটে এদিন শ্বামীয়ে কান্দিব বুলি মন্তব্য কৰে। তেওঁৰ ভাষাত, "যদি শ্বামীয়ে ইনজামামক ভুল বুলি ভাবে, তেন্তে ভালকৈ ক'ব পৰা গ'লহেঁতেন। কাৰ্টুন বা সেই সকলোবোৰ কোৱাৰ প্ৰয়োজন নাছিল তেওঁৰ। কিছু সন্মান দেখুৱাওক। তেওঁ তোমাতকৈ ডাঙৰ। বয়োজ্যেষ্ঠসকলক সন্মান কৰা উচিত। নকৰিলে ৩৬৫ দিনৰ ভিতৰত ৩০০ দিন ক্ৰিকেটেই কন্দুৱাব।’’

মন কৰিবলগীয়া যে ভাৰতীয় পেচাৰগৰাকীয়ে কৈছিল- ''পাকিস্তানৰ প্ৰাক্তন ক্ৰিকেটাৰসকলে আমাক কেতিয়াও ভালকৈ চাব নোৱাৰে। আগতে কোৱাৰ দৰে আমাক আৰু এটা বল দিয়া হৈছে। আমি কওঁ চিপটো ইমপ্লাণ্ট কৰা হৈছে। আগতে কোৱাৰ দৰে যদি মোৰ সুযোগ পাওঁ তেন্তে মই বলটো কাটি খুলি দিম আৰু ভিতৰত কি আছে তেওঁলোকক দেখুৱাম। যদি বলাৰসকলে ছুইং আৰু ৰিভাৰ্ছ ছুইং কৰে তেন্তে সেইটোৱেই বলাৰৰ ক্ৰেডিট। সিহঁতে তেনেকৈ ক’ব নোৱাৰে।"

টি-২০ বিশ্বকাপৰ সময়ত আৰ্শদীপ সিঙৰ বিষয়ে মন্তব্য কৰিছিল ইনজামামে। কয়, ‘আৰ্ছদীপে ১৫ নং অভাৰত ৰিভাৰ্ছ ছুইং কৰি আছে। সেয়া কেনেকৈ সম্ভৱ? ইমান বেগেৰে ৰিভাৰ্ছ ছুইং কৰিব নোৱাৰে। আম্পায়াৰসকলে ইয়াৰ ওপৰত চকু ৰাখিব লাগে। যদি পাকিস্তানী বলাৰসকলে কৰিলেহেঁতেন তেন্তে কি কোৱা হ’লহেঁতেন। কিন্তু ভাৰত বুলি একো নাই।”