ডিজিটেল ডেস্ক: স্বপ্নভংগ হ’ল হিমা দাসৰ৷ সময়ৰ অপৰিমেয় মূল্যক যোৱানিশা পুনৰ এবাৰ উপলব্ধি কৰাৰ অৱকাশ পোৱা গ’ল হিমাৰ প্ৰদৰ্শনৰ পাছত৷ হিমা দাসে ২০০ মিটাৰ দৌৰৰ ছেমি ফাইনেলত পৰাস্ত হয়৷ হিমাই ০.০১ ছেকেণ্ডৰ ব্যৱধানত পৰাজিত হয়৷ তেওঁ ২৩.৪২ ছেকেণ্ডৰ সময়ৰ সৈতে হিট ২ত তৃতীয় স্থান লাভ কৰিছে৷
৫ আগষ্ট, শুকুৰবাৰে কমনৱেলথ গেমছ ২০২২ৰ ছেমি ফাইনেলত সামগ্ৰিকভাৱে দশম স্থান লাভ কৰাৰ বাবে ভাৰতৰ হিমা দাসে মহিলাৰ ২০০ মিটাৰ ফাইনেলত স্থান লাভ কৰিবলৈ সক্ষম নহ’ল। পাঁচটা অলিম্পিক স্বৰ্ণ পদক থকা জামাইকাৰ এলেইন থম্পছন-হেৰাহে ছেমি ফাইনেলত সৰ্বশ্ৰেষ্ঠ সময় অতিবাহিত কৰিছিল - ২২.৬৩ ছেকেণ্ড।
হিমা দাসে আজি মহিলাৰ ৪ × ১০০ মিটাৰ ৰীলেত অংশ ল’ব।
Leave A Comment