জয় শ্বাহৰ মতে উঠা-বহা কৰে আইচিচি! বিস্ফোৰণ ঘটালে পাকিস্তানৰ এইগৰাকী প্ৰাক্তন তাৰকাই

ভাৰত-পাকিস্তান শৃংখলা শেষবাৰৰ বাবে অনুষ্ঠিত হৈছিল ২০১২-১৩ চনত। তাৰ পিছৰে পৰা দুয়োখন প্ৰধান প্ৰতিদ্বন্দ্বীয়ে দ্বিপাক্ষিক শৃংখলাত মুখামুখি হোৱা নাই। ২০২৫ চনত পাকিস্তানত অনুষ্ঠিত হ’বলগীয়া চেম্পিয়নছ ট্ৰফীৰ ওপৰতো বিতৰ্ক চলি আছে। তেনে ক্ষেত্ৰত মেগা টুৰ্ণামেণ্টখন শ্ৰীলংকা বা ডুবাইত হ’ব পাৰে। বসিত আলীৰ মতে, বিচিচিআইৰ সম্পাদক জয় শ্বাহে কোৱা কথাবোৰ শুনিবলৈ বাধ্য হৈছে বাকী দেশবোৰে।

পাকিস্তানৰ হৈ ১৯খন টেষ্ট খেলা ক্ৰিকেটাৰগৰাকীৰ মতে, “জয় শ্বাহে কোৱা কথা ৫-৬ খন বৰ্ডে অনুসৰণ কৰে। পিচিবিৰ অধ্যক্ষ মহছিন নাকৱীক দিয়া হৈছে ললিপপ। চেম্পিয়নছ ট্ৰফীৰ পিছত ভাৰতৰ বিৰুদ্ধে দ্বিপাক্ষিক শৃংখলা হ’ব পাৰে বুলি আন ব’ৰ্ডে তেওঁক জনাইছে। ই অষ্ট্ৰেলিয়া বা ইংলেণ্ডত হ’ব পাৰে। তেওঁলোকে ভাৰতক খেলিবলৈ পতিয়ন নিয়াব। সকলো ব’ৰ্ডে বিচিচিআইৰ ক্ষমতাৰ কথা কয়।"

বাছিত ইয়াতেই থমকি ৰ’ল। চেম্পিয়নছ ট্ৰফীৰ জঞ্জাল সন্দৰ্ভত তেওঁৰ বক্তব্য, "যদি জয় শ্বাহে কয় যে এই প্ৰতিযোগিতাখন পাকিস্তানত হ'ব, তেন্তে বাকীসকলে মানি ল'ব।" যদি তেওঁ কয় যে ই হাইব্ৰিড মডেল হ’ব, তেন্তে তেওঁলোকেও সেইটোত সন্মতি দিব। কাৰণ, সেই দেশৰ ক্ৰিকেটাৰসকলে যেতিয়া আই পি এলত খেলে তেতিয়া বি চি চি আইয়ে তেওঁলোকৰ ব’ৰ্ডক বহুত টকা দিয়ে। ইংলেণ্ডৰ ব’ৰ্ড, নিউজিলেণ্ডৰ ব’ৰ্ড, ৱেষ্ট ইণ্ডিজৰ ব’ৰ্ড বা অষ্ট্ৰেলিয়াৰ ব’ৰ্ড সকলোৰে মৰ্যাদা একে।”