পোহনীয়া ঘোঁড়াক অত্যাচাৰ! অলিম্পিকৰ পৰা নাম প্ৰত্যাহাৰ কৰিবলগা হ’ল ৬বাৰকৈ পদকবিজয়ী এইগৰাকী তাৰকাই

ছ’চিয়েল মিডিয়াত প্ৰকাশ পাইছে চাৰ্লটে ঘোঁৰাক অত্যাচাৰ কৰাৰ ভিডিঅ’। যদিও সেই ভিডিঅ'টো চাৰি বছৰৰ আগৰ। ইয়াৰ পিছত আন্তঃৰাষ্ট্ৰীয় অশ্বাৰোহী ক্ৰীড়া ফেডাৰেচন বা ই ই আইয়েও ব্যৱস্থা গ্ৰহণ কৰিছে। অনিৰ্দিষ্টকালৰ বাবে নিলম্বন কৰা হৈছে চাৰ্লটক। ইয়াৰ পিছত চাৰ্লটে পেৰিছ অলিম্পিকৰ পৰা আঁতৰি যায়।

ইণ্টাৰনেশ্যনেল ফেডাৰেচন ফৰ ইকুৱেষ্ট্ৰিয়ান স্প’ৰ্টছে এক বিবৃতিত কয় যে, “চাৰ্লটৰ এটা ভিডিঅ’ সংস্থাটোৰ হাতলৈ আহিছে। তদন্তৰ অন্তত অভিযোগ সঁচা বুলি ধৰা পৰে। ঘোঁৰাক অত্যাচাৰ কৰা হৈছে যিটো সংগঠনৰ সংবিধানৰ বিৰুদ্ধে। চাৰ্লটেও স্বীকাৰ কৰিছে যে তেওঁৰ বিৰুদ্ধে উত্থাপিত অভিযোগ সঁচা। সেইবাবেই সংগঠনটোৱে ব্যৱস্থা গ্ৰহণ কৰিছে। সংগঠনটোৱে এনে আচৰণক গৰিহণা দিয়ে। পেৰিছ অলিম্পিকৰ পৰা আঁতৰি আহিবলৈ নিৰ্দেশ দিয়া হয় চাৰ্লটক। তেওঁৱো আঁতৰি আহিছে।’’

নিজৰ দোষ স্বীকাৰ কৰি চাৰ্লটে ভিডিঅ’ মেছেজত কয়, “যিটো ভিডিঅ’ ওলাইছিল সেয়া চাৰি বছৰৰ আগৰ। মোৰ ঘোঁৰাবোৰৰ বহুত যত্ন লওঁ। সেইবাৰ ভুল হৈছিল। মই বুজি পোৱা নাছিলো। কিন্তু অপৰাধৰ শাস্তি দিব লাগিব। গতিকে এতিয়াৰ বাবে মই অলিম্পিকৰ পৰা নামটো আঁতৰাইছো। মই এতিয়া আন কোনো প্ৰতিযোগিতাত নামভৰ্তি নকৰো। মই যি কৰিলোঁ তাৰ কোনো অজুহাত নাই। মই লাজ পাইছো ক্ষমা বিচাৰিছোঁ।”

ব্ৰিটেইনৰ হৈ ব্যক্তিগত আৰু দলীয় দুয়োটা ইভেণ্টতে অংশগ্ৰহণ কৰাৰ কথা আছিল চাৰ্লটে। এইবাৰ খেলিলে ল’ৰা কেনিৰ অভিলেখ ভংগ কৰিব পাৰে। দুয়োৰে এতিয়ালৈকে ছটাকৈ পদক আছে। ৩৯ বছৰীয়া ৰিয়ানৰ প্ৰত্যাহাৰৰ পিছত ব্ৰিটেইনৰ দলত বেকী মুডীক তেওঁৰ সলনি হ’ব পাৰে।