''সলনি হৈছে বিৰাট! আগতে চিংৰা খাইছিল, এতিয়া আৰু নাখায়!’’- কোহলীক লৈ বিশেষ মন্তব্য কৰিলে এইগৰাকী প্ৰাক্তন তাৰকাই

মিশ্ৰই বিৰাট আৰু ৰোহিত দুয়োৰে সৈতে খেলিছিল। ভাৰতৰ হৈ ২২খন টেষ্ট খেলা ক্ৰিকেটাৰগৰাকীৰ মতে, বিৰাটে যিমানেই সলনি হৈছে সিমানেই খ্যাতি অৰ্জন কৰিছে। এতিয়া তেওঁ বিৰাটৰ লগত কথা নাপাতে। তেওঁৰ মতে ৰোহিত কিন্তু আগৰ দৰেই। মিশ্ৰই ইউটিউবত কয়, ‘মই মিছা নকওঁ, মই বিৰাটক ক্ৰিকেটাৰ হিচাপে সন্মান কৰো। কিন্তু তেওঁৰ লগত মোৰ সম্পৰ্ক এতিয়া আগৰ দৰে নহয়।’

ৰোহিতৰ লগত তুলনা কৰি মিশ্ৰই প্ৰশ্ন উত্থাপন কৰিলে, "বিৰাটৰ ইমান কম বন্ধু আছে কিয়? আমি প্ৰথম লগ পোৱা দিনটোৰ দৰেই ৰোহিত এতিয়াও একেই আছে। এইটোৱেই তেওঁৰ শ্ৰেষ্ঠ দিশ। তুমি মোক কোৱা, এনে এজন মানুহৰ লগত কথা পতা ভাল হ’বনে, নে পৰিস্থিতি অনুযায়ী সলনি হোৱা এজনৰ লগত কথা পাতিলে ভাল হ’ব?”

তেওঁ ক’লে- '''বিৰাটক সলনি হোৱা দেখিছোঁ। আমি আৰু কথা নাপাতো। মানুহে যেতিয়া খ্যাতি লাভ কৰে তেতিয়া তেওঁ ভাবে যে তেওঁৰ লগত আনে লোভত পৰি কথা পাতিছে। মই কেতিয়াও তেনেকুৱা কৰা নাছিলো। চিকু (বিৰাট)ক মই ১৪ বছৰ বয়সৰ পৰাই চিনি পাওঁ। আগতে তেওঁ শিঙৰা খাইছিল। প্ৰতি নিশা পিজ্জা খাইছিল। সেই চিকু আৰু অধিনায়ক বিৰাট কোহলীৰ মাজত বহুত পাৰ্থক্য আছে। মোক লগ পালে মোক সন্মান কৰে। কিন্তু সেই সম্পৰ্ক এতিয়া আগৰ দৰে নহয়।"