ডিজিটেল ডেস্কঃ বহু মানুহে বাছেৰে বা আন বাহনেৰে গৈ থাকোতে খিৰিকীৰে বাহিৰলৈ মূৰ উলিয়াই যায়। এনে কৰোতে কেতিয়াবা ঘটিব পাৰে ডাঙৰ অঘটন।
আপোনাৰো যদি তেনে অভ্যাস আছে তেন্তে আপোনাৰ বাবে আছে এটা ভয়ংকৰ খবৰ। চলন্ত বাছৰ খিৰিকীৰে মূৰ বা হাত বাহিৰলৈ উলিয়াই দিয়াটো কিমান বিপদজনক এই ঘটনাই তাৰেই প্ৰমাণ বহন কৰিছে।
বাছত যাত্ৰা কৰি থাকোতে এগৰাকী মহিলাই খিৰিকীৰে বাহিৰলৈ মূৰটো উলিয়াইছিল। তেনে সময়তে বিপৰীত দিশৰ পৰা অহা এখন দ্ৰুতবেগী ট্ৰাকে তেওঁৰ মূৰটো ডিঙিৰ পৰা বিচ্ছিন্ন কৰি পেলালে।
কৰ্ণাটকৰ চামৰাজনগৰ জিলাত এই ভয়ংকৰ কাণ্ড সংঘটিত হৈছে। এই দুৰ্ঘটনাত মহিলাগৰাকীয়ে কৰুণ মৃত্যুক সাবটি লয়।
জানিব পৰা মতে, মহিলাগৰাকীয়ে নন-এচি চৰকাৰী বাছত গুণ্ডলুপেটৰ পৰা নানজাংগুড অভিমুখে গৈ আছিল। সেই সময়তে তেওঁ খিৰিকীৰে মূৰটো উলিয়াই বতাহ খাইছিল।
ঠিক তেনে সময়তে বাছখনৰ কাষেৰে পাৰ হৈ যোৱা এখন তীব্ৰবেগী ট্ৰাকে তেওঁক জোৰেৰে খুন্দা মাৰে, যাৰ ফলত তেওঁৰ মূৰটো নিমিষতে শৰীৰৰ পৰা বিচ্ছিন্ন হৈ পৰে।
স্থানীয় আৰক্ষীয়ে দুৰ্ঘটনাৰ গোচৰ ৰুজু কৰি তদন্ত আৰম্ভ কৰিছে। জানিব পৰা মতে, ট্ৰাকখনৰ চালকজন পলাতক অৱস্থাত আছে।
Continue Reading
