চোঁচা মাৰি আহিল বনৰীয়া হাতী ! তাৰ পাছত....?

গোলাঘাট : হাতী মানুহৰ সংঘাত নুমলীগড়ত নিত্য নতুন ঘটনা নহয়৷ বহু বছৰ ধৰি চলি অহা বনৰীয়া হাতীৰ উপদ্ৰৱত নুমলীগড়বাসী প্ৰায়ে সমস্যাৰ সন্মুখীন হৈ আহিছে৷ আজি ঢলাগুৰি চাহ বাগিচাত হাতীয়ে মানুহক আক্ৰমণৰ বাবে খেদি যোৱাৰ দৃশ্য বন্দী হয় কেমেৰাত৷

খাদ্যৰ সন্ধানত বনাঞ্চল এৰি জনাঞ্চলত আশ্ৰয় লৈছে বনৰীয়া হাতীয়ে। চাহ বাগিচাত আশ্ৰয় লোৱা হাতীয়ে নিশা গাঁৱলৈ প্ৰৱেশ কৰি ৰাইজৰ ঘৰ দুৱাৰ, খেতি পথাৰ নষ্ট কৰে। ইফালে চাহ বাগিচাত আশ্ৰয় লোৱা হাতীৰ জাকক খেদিবলৈ উদ্যত হোৱা একাংশ লোকক হাতীয়ে ওলোটাই চোঁচা লোৱা পৰিলক্ষিত হয়।

কোনোমূহুৰ্তত হাতীক খেদি যায় মানুহে আকৌ হাতীয়ে ওলোতাই মানুহক খেদি যায়। চাহ বাগিচাত আশ্ৰয় লোৱা হাতীৰ জাকটোৰ পৰা যিকোনো মূহুৰ্তত বিপদৰ আশংকা থকাৰ বাবে হাতীৰ জাকক খেদি পঠাবলৈ চেষ্টা একাংশ লোকৰ। উল্লেখ্য যে যোৱা কিছুদিন ধৰি হাতীৰ এটা জাকে মৰঙি মৌজাৰ নিতৌ এখনৰ পাছত আন এখন গাঁৱত সন্ত্ৰাস চলাই আহিছে৷