ডিজিটেল ডেস্ক : হিন্দুধৰ্মৰ মুঠ ১৮টা মহাপুৰাণৰ ভিতৰত গৰুড় পুৰাণ অন্যতম। এজন লোকে জীৱিত অৱস্থাত গৰুড় পুৰাণ পাঠ কৰিব পাৰেনে? গৰুড় পুৰাণত মৃত্যুৰ পাছত আত্মাৰ যাত্ৰাৰ বিশদ বিৱৰণ দিয়া আছে। ঘৰত কোনো সদস্যৰ মৃত্যুৰ পাছত একেৰাহে ১৩দিন গৰুড় পুৰাণ পাঠ কৰা হয়। মৃতকৰ আত্মা সদগতি কামনা কৰি ১৩দিন নিজৰ ঘৰতে এই গ্ৰন্থ পাঠ কৰা হয়। গৰুড় পুৰাণ পাঠ কৰিলে আত্মাই মোক্ষ লাভ কৰে বুলি জনবিশ্বাস আছে। সেয়েহে পৰিয়ালৰ কোনো সদস্যৰ মৃত্যুত গৰুড় পুৰাণ পাঠ কৰে।
প্ৰশ্ন উত্থাপন হয় যে এজন জীৱিত লোকে গৰুড় পুৰাণ পাঠ কৰিব পাৰে, যিকোনো লোকে পাঠ কৰিব পাৰে নেকি? কাৰণ কেৱল মৃত্যুৱেই নহয় জীৱন বাট মসৃন কৰাৰো ৰহস্য লুকাই আছে এই গ্ৰন্থত।
কিন্তু বিশ্বাস অনুসৰি পৰিয়ালৰ কোনো সদস্যৰ মৃত্যুত স্বাভাৱিকতে ১৩দিনত গৰুড় পুৰাণ পাঠ কৰে, সেয়েহে অন্য সময়ত এই গ্ৰন্থৰ পাঠ কৰা নহয়, কাৰণ এই গ্ৰন্থ পাঠৰ সময়ত আত্মা নিজেই তাত উপস্থিত থাকে বুলি ভবা হয়। গৰুড় পুৰাণত জন্ম-মৃত্যু, নৰক, স্বৰ্গ, অৱনতি আৰু পুনৰ্জন্মৰ বিষয়েও উল্লেখ আছে। লগতে ধৰ্ম, ব্ৰত, পূজা আৰু নিয়ম-নীতি আদিৰ বিষয়ে ব্যাখ্যা কৰা হৈছে। সেয়েহে প্ৰতিজন ব্যক্তিয়ে গৰুড় পুৰাণ পাঠ কৰিব পাৰে।
Continue Reading
