ডিজিটেল ডেস্ক:
আপুনি প্ৰায়ে আপোনাৰ পাহৰি যোৱা সমস্যাত ভুগিছে নেকি? কৰ’বালৈ যোৱাৰ সময়ত ঘৰৰ চাবি বিচাৰি উলিওৱাত বিফল হয় নেকি? মুহূৰ্ততে কৈ যোৱা বা কৰি যোৱা কাম মনত হঠাতে পাহৰি গৈছে নেকি? যদিও আপুনি তেনে পাহৰি যোৱা সমস্যাত ভুগিছে, তেনেহ’লে সেই সমস্যাই আপোনাক বিপদত পেলাব পাৰে৷
সাধাৰণ জীৱনশৈলীৰ কিছুমান সৰু সৰু ভুলে আপোনাৰ
স্মৃতিশক্তিক ক্ষতিগ্ৰস্ত কৰিব পাৰে। স্নায়ুবিশেষজ্ঞই এই ক্ষেত্ৰত আগবঢ়াইছে কিছু সু-পৰামৰ্শ৷
বিশেষজ্ঞসকলে কয় যে খোৱা, ব্যায়াম কৰা, কাম কৰাৰ শৈলীৰ পৰা আমাৰ দৈনন্দিন অভ্যাসে আমাৰ স্মৃতিশক্তিক নেতিবাচক বা ইতিবাচকভাৱে প্ৰভাৱিত কৰিব পাৰে। ইউএলচিএ (কেলিফৰ্নিয়া বিশ্ববিদ্যালয়, লছ এঞ্জেলছ) গৱেষণা অনুসৰি, হতাশা, নিম্ন স্তৰৰ শিক্ষা, শাৰীৰিক নিষ্ক্ৰিয়তা আৰু উচ্চ ৰক্তচাপৰ ফলত কম বয়সীয়া প্ৰাপ্তবয়স্ক (১৮-৩৯ বছৰ), মধ্যবয়স্ক প্ৰাপ্তবয়স্ক (৪০-৫৯) আৰু বৃদ্ধ প্ৰাপ্তবয়স্ক (৬০-৯৯)ৰ স্মৃতিশক্তিৰ সমস্যা বৃদ্ধি হোৱা দেখা যায়।
এনে সমস্যাৰ মানুহৰ মন আৰু মগজুত দুয়োটাতে প্ৰভাৱ পেলায়৷
বিশেষজ্ঞই এনে সমস্যা সমাধানৰ বাবে দিছে কিছু পৰামৰ্শ :
চেনীযুক্ত পানীয়, পৰিশোধিত খাদ্য সেৱন পৰিহাৰ কৰিব
অত্যধিক চেনীযুক্ত পানীয় সেৱনে ডায়েবেটিচ নোহোৱা লোকৰ ক্ষেত্ৰতো ডিমেনচিয়াৰ আশংকা বৃদ্ধি কৰিব পাৰে৷ উচ্চ-ফ্ৰুক্টোজ আহাৰৰ ফলত ৰক্ত শৰ্কৰা নিয়ন্ত্ৰণ দুৰ্বল হয় আৰু বিপাকীয় বিকাৰ আৰু স্মৃতিশক্তিৰ বিকাৰ হোৱাৰ আশংকা অধিক হয়। স্মৃতিশক্তিৰ ওপৰত পৰিশোধিত কাৰ্ব, সংপৃক্ত চৰ্বি আৰু উচ্চ সংসাধিত খাদ্যয়ো নেতিবাচক প্ৰভাৱ পেলায়।
বিশেষজ্ঞসকৰ মতে কিছুমান খাদ্য যেনে হালধি, কফি, মিঠা পানীৰ চালমন হৈছে কিছুমান খাদ্য যি মস্তিষ্কৰ কাৰ্যকলাপ উন্নত কৰে।
স্ক্ৰীণৰ সময় বৃদ্ধিয়ে আমাৰ স্মৃতিশক্তি অৱনতি কৰে। অত্যধিক মোবাইল বা কম্পিউটাৰত ব্যস্ত থাকিলে মগজুৰ সতৰ্কতা, চিন্তা আৰু কল্পনাত ব্যাঘাত জন্মায়৷ লগতে আমাৰ স্মৃতিশক্তিক প্ৰভাৱিত কৰিব পাৰে। টোপনিৰ অভাৱেও স্মৃতিশক্তি লোপ কৰিব পাৰে৷ ভাল টোপনি নহ’লে উচ্চ ৰক্তচাপ, মেদবহুলতা আৰু ডায়েবেটিচৰ দৰে দীৰ্ঘম্যাদী ৰোগ হোৱাৰ আশংকা থাকিব পাৰে।
কিতাপ পঢ়াৰ অভ্যাস গঢ়ি তোলক :
বিশেষজ্ঞই মন সুস্থ কৰি ৰাখিবলৈ কিতাপ পঢ়াৰ অভ্যাস গঢ়ি তুলিবলৈ পৰামৰ্শ আগবঢ়ায়৷ এনে কাৰ্য-কলাপে শাৰীৰিক সক্ৰিয়তা বৃদ্ধি কৰে৷ শব্দশৃংখল সমাধানৰ দ্বাৰাও মগজুৰ ব্যায়াম হয়৷ লগতে সতৰ্কতা ৰখাত ধৰি ৰখাত সহায় কৰে।
স্মৃতিশক্তি উন্নত কৰাৰ বাবে এক সন্তুলিত আহাৰ, চাপ, নিয়মীয়া শাৰীৰিক সক্ৰিয়তা, ভাল টোপনি পৰিহাৰ কৰা, টিভি চোৱা পৰিহাৰ কৰা, পঢ়াৰ অভ্যাস গঢ়ি তোলা, মগজুৰ ব্যায়াম কৰা, মস্তিষ্কৰ কাৰ্যক্ষমতাৰ দ্বাৰা ধৰি ৰাখিব পাৰে স্মৃতিশক্তি৷
Leave A Comment