অসম মেঘালয় সীমান্তৰ ফুলবাৰীৰ গোমাইঝোৰাত ভয়ংকৰ পথ দূৰ্ঘটনা: থিতাতে মৃত্যু এজন বৃদ্ধাৰ

ডিজিটেল ডেস্কঃ মেঘালয় ৰাজ্যৰ পশ্চিম গাৰো পাহাৰ জিলাৰ ফুলবাৰী আৰক্ষী থানাৰ অন্তৰ্গত ফুলবাৰীৰ পৰা হাটশিঙিমাৰীলৈ যোৱা পথৰ গোমাইঝোৰা স্থলিত ভয়ংকৰ পথ দূৰ্ঘটনা সংঘটিত হয়৷ উক্ত দূৰ্ঘটনাত গোমাইঝোৰা গাওঁৰ আব্দুল হাই মোল্লা নামৰ এজন বৃদ্ধাৰ থিতাতে নিহত হয় ৷

জানিব পৰা মতে আজি আবেলি আব্দুল হাই মোল্লাই নিজ ঘৰৰ সন্মুখত থিয় হৈ থকা অৱস্থাত ৰাজাবালাৰ পৰা AS 17B 4891 নম্বৰৰ তীব্ৰবেগী ১২চকীয়া ট্ৰাক এখন নিয়ন্ত্ৰণ হেৰুৱাই বৃদ্ধাজনক খুন্দা মাৰে । ভয়ংকৰ ভাবে খুন্দা মাৰাত বৃদ্ধাজন গাড়ীখনৰ সন্মুখৰ সোঁফালৰ চকাৰ তলত পৰে আৰু লগে লগে নিহত হয়৷

ফুলবাৰী আৰক্ষী থানাৰ আৰক্ষীয়ে উক্ত দূৰ্ঘটনাৰ খবৰ পাই লগে লগে ঘটনাস্থলীত উপস্থিত হয় আৰু মৃত দেহটোৰ লগতে ট্ৰাকখনৰ চালকজনক ততাতৈয়াকৈ ফুলবাৰী আৰক্ষী থানালৈ লৈ যায়৷