ডিজিটেল ডেস্ক: পশ্চিমবংগৰ ৰাজনীতিত পুনৰ এক চাঞ্চল্যকৰ হত্যাকাণ্ডই জোকাৰণি তুলিছে। ৰাজ্যখনৰ বিৰোধী দলপতি শুভেন্দু অধিকাৰীৰ ব্যক্তিগত সহায়ক (PA) চন্দ্ৰনাথ ৰথক নিৰ্মমভাৱে গুলীয়াই হত্যা কৰা হৈছে। এই ঘটনাক লৈ বৰ্তমান ৰাজ্যজুৰি তীব্ৰ উত্তেজনাৰ সৃষ্টি হৈছে।
প্ৰাপ্ত খবৰ অনুসৰি, দুৰ্বৃত্তই চন্দ্ৰনাথ ৰথক অতি ওচৰৰ পৰা লক্ষ্য কৰি গুলীবৰ্ষণ কৰে, যাৰ ফলত থিতাতে তেওৰ মৃত্যু হয়। ঘটনাৰ খবৰ পোৱাৰ লগে লগে আৰক্ষীৰ উচ্চপদস্থ বিষয়াসকল ঘটনাস্থলীত উপস্থিত হয় আৰু তদন্ত আৰম্ভ কৰে। আৰক্ষীয়ে বৰ্তমান এইটো নিশ্চিত কৰিবলৈ চেষ্টা কৰিছে যে এই হত্যাকাণ্ড কোনো ব্যক্তিগত শত্ৰুতাৰ পৰিণতি নে ইয়াৰ আঁৰত গভীৰ ৰাজনৈতিক ষড়যন্ত্ৰ নিহিত হৈ আছে।
Continue Reading
