ডিজিটেল ডেস্কঃ আৰ্থিক নাটনি আৰু চৰম দৰিদ্ৰতাৰে যুঁজি থকা পাকিস্তানৰ বাবে সমস্যা যেন শেষ হোৱাৰ নামেই লোৱা নাই। ইতিমধ্যে দেশখনত খাদ্য সামগ্ৰীৰ আকাশলংঘী মূল্যবৃদ্ধি আৰু বৈদেশিক মুদ্ৰাৰ ভাণ্ডাৰ হ্ৰাস পোৱাৰ ফলত জনসাধাৰণৰ মাজত হাহাকাৰময় পৰিৱেশৰ সৃষ্টি হৈছে।
শেহতীয়া বাতৰি অনুসৰি, পাকিস্তানত এতিয়া পানী আৰু বিদ্যুতৰ তীব্ৰ নাটনিয়ে দেখা দিছে। বিত্তীয় সংকটৰ বাবে দেশখনে ইন্ধন আমদানি কৰিবলৈ অসমৰ্থ হৈছে, যাৰ ফলত শক্তি উৎপাদন কেন্দ্ৰসমূহ বন্ধ হৈ পৰিছে। ইয়াৰ প্ৰত্যক্ষ প্ৰভাৱ উদ্যোগ খণ্ড আৰু সাধাৰণ জনজীৱনত পৰিছে।
ইফালে, আন্তৰ্জাতিক মুদ্ৰা নিধি (IMF)ৰ পৰা ঋণ লাভ কৰিবলৈ পাকিস্তানে যি কঠোৰ চৰ্ত মানি চলিবলগীয়া হৈছে, তাৰ ফলত কৰৰ বোজা আৰু বৃদ্ধি পাইছে। ইয়াৰ ফলত পাকিস্তানৰ সাধাৰণ জনতাৰ জীৱন যাপন আৰু অধিক দুৰ্বিষহ হৈ পৰিছে। বিশেষজ্ঞসকলৰ মতে, যদিহে পাকিস্তানে অতি সোনকালে কোনো শক্তিশালী অৰ্থনৈতিক সংস্কাৰ নকৰে, তেন্তে দেশখন সম্পূৰ্ণৰূপে দেউলীয়া হোৱাৰ দিশে আগবাঢ়িব।
Continue Reading
