ডিজিটেল ডেস্কঃ জয়পুৰৰ চৰকাৰী চিকিৎসালয়ত কৰ্কট ৰোগৰ চিকিৎসাৰ বাবে ভৰ্তি হোৱা ১০ বছৰীয়া ল’ৰা এটাৰ ভৰিৰ আঙুলিটো নিগনিয়ে কামোৰাৰ অভিযোগ উত্থাপন হৈছে। যাৰ ফলত শিশুটিৰ মৃত্যু হয়। শনিবাৰে এজন বিষয়াই এই তথ্য প্ৰদান কৰে। চিকিৎসালয়ৰ বিষয়াসকলে জনোৱা মতে, শিশুটিৰ মৃত্যু এন্দুৰে কামোৰাৰ বাবে নহয়, বৰঞ্চ “চেপটিচেমিয়া শ্বক আৰু উচ্চ সংক্ৰমণৰ বাবে”।
এই সন্দৰ্ভত তদন্তৰ বাবে ৰাজস্থান চৰকাৰে গঠন কৰিছে এখন কমিটী। যোৱা ১১ ডিচেম্বৰত শিশুটিক চিকিৎসাৰ বাবে ইয়াৰ ৰাজ্যিক কৰ্কট চিকিৎসালয়ত ভৰ্তি কৰোৱা হৈছিল।
চিকিৎসালয়ৰ অধীক্ষক ডাঃ সন্দীপ জাছুজাই কয় যে, ‘‘শিশুটোৰ জ্বৰ আৰু নিউমোনিয়াও আছিল। শুকুৰবাৰে তেওঁৰ মৃত্যু হয় উচ্চ সংক্ৰমণ, চেপ্টিচেমিয়া শ্বকৰ বাবে।" বিষয়াসকলে জনোৱা মতে, চিকিৎসা শিক্ষা সম্পাদক অম্ব্ৰিশ কুমাৰে ছাৱাই মান সিং (এছ এম এছ) চিকিৎসা মহাবিদ্যালয়ৰ অধ্যক্ষৰ পৰা প্ৰতিবেদন বিচাৰিছে।
এক প্ৰতিবেদন অনুসৰি ভৰ্তি হোৱাৰ কিছু সময়ৰ পিছতে শিশুটিয়ে কান্দিবলৈ আৰম্ভ কৰে। যেতিয়া তেওঁৰ পৰিয়ালৰ লোকে তেওঁৰ শৰীৰৰ পৰা কম্বলখন আঁতৰাই দিয়ে, তেতিয়া তেওঁলোকে দেখিলে যে তেওঁৰ ভৰিৰ আঙুলিত এটা নিগনি কামোৰাৰ বাবে তেজ ওলাই আছে। পৰিয়ালৰ লোকে তাত উপস্থিত নাৰ্চিং কৰ্মচাৰীক অৱগত কৰে, যিয়ে প্ৰাথমিক চিকিৎসা প্ৰদান কৰাৰ পিছত ভৰিখন বেণ্ডেজ কৰে। যশুজাই কয় যে নিগনি কামোৰাৰ তথ্য পোৱাৰ লগে লগে তেওঁ শিশুটিৰ চিকিৎসা আৰম্ভ কৰে। তেওঁ কয় যে চিকিৎসালয়ৰ চৌহদত পৰিষ্কাৰ-পৰিচ্ছন্নতা বজাই ৰাখিবলৈ নিৰ্দেশনা দিয়া হৈছে।
Continue Reading
