ডিজিটেল ডেস্কঃ যোগ গুৰু বাবা ৰামদেৱে হিন্দু ধৰ্ম আৰু হিন্দুত্বৰ ওপৰত কংগ্ৰেছ সাংসদ ৰাহুল গান্ধী ৰ বক্তব্যক প্ৰত্যুত্তৰ দিছে। কংগ্ৰেছ সাংসদজনে আজি কিছু দিনৰ আগতে হিন্দু আৰু হিন্দুত্ব দুয়োটা একে বিষয়বস্তু বুলি মন্তব্য কৰিছিল৷ বাবা ৰামদেৱে ক’য় যে, ব্যক্তি আৰু ব্যক্তিত্ব একে হ’ব পাৰে কিন্তু হিন্দু আৰু হিন্দুত্ব কাহানিও একে হ’ব নোৱাৰে। কংগ্ৰেছ নেতাজনে ইমানখিনি অন্তঃত জানিব লাগে৷
তেওঁ কয় যে হিন্দু ধৰ্ম হৈছে এক সংস্কৃতি আৰু সংস্কৃতিৰ অনুভূতি হৈছে হিন্দুত্ব। ৰামদেৱে ৰাহুল গান্ধীক উদ্দেশ্যি কোৱা কথাখিনি অমন চোপ্ৰা নামৰ এজন লোকে তেওঁৰ টুইটাৰ হেণ্ডেলত শ্বেয়াৰ কৰিছিল। ভিডিঅ’টো সামাজিক মাধ্যমত বিয়পি পৰাৰ লগে-লগে বহুতো লোকে ৰামদেৱৰ এই মন্তব্যক সহাৰি জনাইছে।
অনামিকা দুবে নামৰ এজন টুইটাৰ ব্যৱহাৰকাৰীয়ে মন্তব্য কৰিছিল যে ৰাহুল গান্ধীৰ বাবে ৰামদেৱৰ এই মন্তব্য সঠিক আছিল।কৈলাশ নাথ যাদৱে টুইটাৰ হেণ্ডেলত লিখিছে: স্বামীজী বাব ৰামদেৱে কোৱা মতে, ব্যক্তি আৰু ব্যক্তিত্বৰ মাজত সচাকৈয়ে এক ডাঙৰ পাৰ্থক্য আছে।
অনুজ নামৰ টুইটাৰ ব্যৱহাৰকাৰীসকলে লিখিছে যে তেওঁ ধৰ্মৰ এজন পণ্ডিত, তেওঁ কোৱা কথাখিনি যুক্তিপূৰ্ণ, ব্যক্তি আৰু ব্যক্তিত্ব পৃথক। ৰাম আৰু ৰাৱণ দুয়োজনেই ব্যক্তি কিন্তু দুয়োজনৰ ব্যক্তিত্বৰ মাজত আকাশ-পাতাল পাৰ্থক্য আছিল৷
