দিল্লী আৰক্ষীৰ ‘কাভাচ’ অভিযানত ফাদিল; এটা আন্তঃৰাষ্ট্ৰীয় ড্ৰাগছ সৰবৰাহকাৰী চক্ৰ...

জানিব পৰামতে এই ড্ৰাগছ সৰবৰাহৰ চক্ৰটোৱে ‘ডাৰ্ক ৱেব’ ব্যৱহাৰ কৰি ব্যৱসায় চলাই আহিছে।  লেনদেনসমূহ ক্ৰিপ্টোকাৰেন্সীৰ জৰিয়তে কৰা হৈছিল সূত্ৰই প্ৰকাশ কৰিছে। শেহতীয়াকৈ দিল্লীৰ একাংশ ডাকঘৰত বহিঃৰাজ্যৰ পৰা অহা কেইবাটাও সন্দেহজনক পাৰ্চেল পোৱা গৈছে। ইয়াৰ পৰা পাঁচ কিলোগ্ৰাম ‘হাইড্ৰ’পনিক’ গাঞ্জা লাভ কৰিছিল। এই পাৰ্চেলটো আমেৰিকাৰ পৰা পঠিওৱা হৈছিল বুলি প্ৰকাশ কৰিছে। ইয়াত উল্লেখিত ভুৱা ঠিকনাৰ তদন্ত চলাই আৰক্ষীয়ে এই আন্তঃৰাষ্ট্ৰীয় গেংটো আৱিষ্কাৰ কৰে আৰক্ষীয়ে। এই ড্ৰাগছ চক্ৰটোৰ সৈতে জড়িত থকাৰ সন্দেহত দুজন লোকক আৰক্ষীয়ে গ্ৰেপ্তাৰ কৰিছে বুলি জানিব পৰা গৈছে। আটকাধীন লোকসককেইজন ক্ৰমে আব্দুল মালিক ওৰফে পাৰভেজ আৰু মায়ংক নাইৰ আৰু দুয়োজনেই দিল্লীৰ বাসিন্দাবুলি আৰক্ষীয়ে সদৰি কৰিছে৷

সমাগত দিল্লী বিধানসভা নিৰ্বাচনৰ আগমুহুৰ্তত দিল্লী আৰক্ষীৰ অপৰাধ নিবাৰণ শাখাই ‘অপাৰেচন কাভাচ’ নামৰ এক অভিযানৰ অধীনতক’ৰবাত কোনো ধৰণৰ ড্ৰাগছ, সুৰা, অবৈধ অস্ত্ৰৰ ব্যৱসায় চলি আছে নে নাই সেই সন্দৰ্ভত তীক্ষ্ণ দৃষ্টি ৰাখিছে। এনে এটা অভিযানৰ সময়তে আৰক্ষীয়ে এই আন্তঃৰাষ্ট্ৰীয় ড্ৰাগছ সৰবৰাহৰ চক্ৰটো ধৰা পেলাই।

আৰক্ষীয়ে আব্দুল মালিক মালিকৰ ঘৰত অভিযান চলাই প্ৰায় এক কিলোগ্ৰাম গাঞ্জা উদ্ধাৰ কৰিবলৈ সক্ষম হয়। তাৰ পাছত তেওঁৰ মোবাইল ফোনটোও জব্দ কৰে আৰক্ষীয়ে। মায়ংক নাইৰ এই চক্ৰটোৰ লিডাৰ আছিল বুলি আৰক্ষীৰ তদন্তত পোহৰলৈ আহিছে। মালিকে নাইৰ বাবে কাম কৰিছিল বুলি সদৰি কৰিছে। আৰক্ষীয়ে জনোৱা মতে নাইৰ বিবিএ স্নাতক।আৰু নাইৰ ঔষধ আমদানি আৰু ৰপ্তানিৰ পাৰিবাৰিক ব্যৱসায় আছিল। কভিড মহামাৰীৰ পিছত ব্যৱসায়ত বিপৰ্যয়ৰ সন্মুখীন হোৱাত নাইৰে ড্ৰাগছৰ ব্যৱসায়ৰ সৈতে জড়িত হৈ পৰে।