২৪টা কুকুৰ জব্দ বকলীয়াঘাট আৰক্ষীৰ; এজন যুৱকক আটক

ডিজিটেল ডেস্ক: বকলীয়াঘাটত জীৱ শ্ৰেষ্ঠ মানুহৰ অমানৱীয় কাণ্ড৷ মুখ আৰু ভৰিত নিৰ্মমভাৱে বান্ধি চোৰাং ব্যৱসায়ীয়ে ডিমাপুৰলৈ সৰবৰাহ কৰাৰ চেষ্টা কৰে ২৪টা কুকুৰ৷ চূড়ান্তভাৱে অত্যাচাৰ চলাই প্ৰভুভক্ত জীৱকেইটাক৷ 

বকলীয়াঘাট আৰক্ষীয়ে বিশেষ সূত্ৰে জানিব পাৰি এখন চুইফ্ট বাহনত কঢ়িয়াই অনা ২৪টা কুকুৰসহ নিৰঞ্জন ৰংপি নামৰ এজন যুৱকক আটক কৰে।  

UCIF নামৰ NGO এটাই কুকুৰ কেইটাক সম্প্ৰতি চোৱাচিতা কৰি আছে৷ 

গৰমত লেবেজান হৈ পৰা কুকুৰকেইটাক গুৱাহাটীৰ পৰা আহিব লগা এটা NGOৰ দলে কুকুৰৰ বাবে থকা নিৰ্দিষ্ট আশ্ৰয়স্থলীত ৰাখিব বুলি জানিব পৰা গৈছে ৷ ইতিমধ্যে AS 07 P 6725 নম্বৰৰ বাহনখন আৰক্ষীয়ে জব্দ কৰিছে৷