সোণতলীত ভয়ংকৰ অগ্নিকাণ্ড; সাতটাকৈ পৰিয়ালৰ বাসগৃহ সম্পূৰ্ণৰূপে ভস্মীভূত

ডিজিটেল ডেস্ক: দক্ষিণ কামৰূপৰ ছমৰীয়া সমষ্টিৰ অন্তৰ্গত সোণতলীৰ পল্লীমঙ্গল গাঁৱত আজি দুপৰীয়া সংঘটিত এক ভয়ংকৰ অগ্নিকাণ্ডত সাতটাকৈ পৰিয়ালৰ বাসগৃহ সম্পূৰ্ণৰূপে ভস্মীভূত হয়।

এই অগ্নিকাণ্ডত প্ৰায় এক কোটি টকাৰ ক্ষতিসাধন হোৱা বুলি স্থানীয় ৰাইজে সন্দেহ প্ৰকাশ কৰিছে।

এই অগ্নিকাণ্ডত পলিমঙ্গল গাঁৱৰ হানিফ আলী, বাহাৰ আলী, ছাহাব উদ্দিন, নিশান আলী, শুনুফা বেগম, আচমত আলী আৰু ছাদেক আলীৰ পৰিয়ালৰ ঘৰ-দুৱাৰ আৰু সা-সম্পত্তি জুইত জাহ যায়। 

স্থানীয় ৰাইজৰ তৎপৰতাত জুই নিৰ্বাপণ কৰা হয় যদিও পিছতহে ঘটনাস্থলীত উপস্থিত হয় অগ্নিনিৰ্বাপক বাহিনীৰ লোক। 

ইফালে, ঘটনাস্থলীত সোণতলী আৰক্ষী উপস্থিত হৈ পৰিস্থিতিৰ বুজ লয়। বাতৰি যুগুতোৱা পৰলৈকে অগ্নিকাণ্ডৰ কাৰণ জানিব পৰা হোৱা নাই যদিও সাহাব উদ্দিনৰ ঘৰৰ পৰা প্ৰথমে অগ্নিকাণ্ডৰ সূত্ৰপাত হয়।