ডিজিটেল ডেস্ক: বিমান যাত্ৰীসকলৰ বাবে এটা সুখবৰ৷ এতিয়াৰ পৰা বিমানবন্দৰত যাত্ৰীসকলৰ বাবে কম দামতে উপলব্ধ থাকিব চাহ, চিঙৰা আদি খাদ্যসামগ্ৰী৷ সম্প্ৰতি এক নতুন আঁচনিৰ জৰিয়তে বিমানবন্দৰত আত্যাধিক দামত ক্ৰয় কৰিবলগীয়া খাদ্য-পানীয় আদি সুলভ কৰি তোলা হৈছে।
এই আঁচনিৰ অধীনত বিমানবন্দৰত ইকনমিক জ’নৰ সৃষ্টি কৰা হ’ব, য’ত যাত্ৰীসকলে ৬০ৰ পৰা ৭০ শতাংশ কম হাৰত খাদ্য আৰু পানীয় লাভ কৰিব। এই আঁচনিৰ মূল লক্ষ্য হৈছে ভ্ৰমণকাৰীসকলক ব্যয়বহুল খাদ্যৰ পৰা সকাহ পৰা সকাহ দিয়া যাতে যাত্ৰীসকলৰ ভ্ৰমণ অভিজ্ঞতাত তিক্ততা নাহে ।
বৰ্তমান বিমানবন্দৰ সমূহত চাহৰ দাম ১২৫ টকাৰ পৰা ২০০ টকা হোৱাৰ পৰিৱৰ্তে ইকনমি জ’নত একে চাহ মাত্ৰ ৫০ৰ পৰা ৬০ টকাত উপলব্ধ হ’ব। একেদৰে ৬০-৭০ শতাংশ কম মূল্যত অন্যান্য খাদ্যসামগ্ৰী উপলব্ধ হ’ব। আৰু যাত্ৰীসকলে কাউণ্টাৰৰ পৰাই খাদ্য লৈ যাব পাৰিব৷ যিহেতু এই আঁচনিৰ অধীনত বিমানবন্দৰত কাউণ্টাৰ ব্যৱস্থা থাকিব, য’ত যাত্ৰীসকলে নিজৰ প্ৰয়োজনায় খাদ্য সামগ্ৰী নিজেই বাছি ল’ব পাৰিব। অৱশ্যে বিমানবন্দৰত বহাৰ ব্যৱস্থা নাথাকিব৷
উল্লেখযোগ্য যে এই আঁচনিয়ে বিমানবন্দৰৰ ব্যয়বহুল খাদ্য সামগ্ৰীৰ খৰচ হ্ৰাস কৰাৰ লগতে যাত্ৰীসকলক এক অৰ্থনৈতিক বিকল্প প্ৰদন কৰিছে এই ব্যৱস্থাই৷
Continue Reading
