ডিজিটেল ডেস্ক: অযোধ্যাৰ ৰাম মন্দিৰ আক্ৰমণৰ ভাবুকি খালিস্তানী সন্ত্ৰাসবাদীৰ৷ শেহতীয়া খবৰ অনুসৰি ৰাম মন্দিৰকে ধৰি অন্য হিন্দু মন্দিৰসমূহতো আক্ৰমণৰ ভাবুকি দিছে এটা শীখ সন্ত্ৰাসবাদী সংগঠনে৷ নিষিদ্ধ শিখছ ফৰ জাষ্টিছ চমুকৈ এছ এফ জে সংগঠনটোৱে প্ৰকাশ কৰা এটা ভিডিঅ’ বাৰ্তাত ১৬-১৭ নৱেম্বৰত হিন্দু উপাসনাস্থলীত হিংসাত্মক পৰিস্থিতিৰ সৃষ্টি কৰিব বুলি ভাবুকি প্ৰদান কৰিছে।
ভিডিঅ’ বাৰ্তাটোত হিংসাত্মক হিন্দুত্ববাদী মতাদৰ্শৰ উৎপত্তিস্থল অযোধ্যাৰ ভেটি কঁপাই দিয়া হ’ব বুলি কোৱাৰ লগতে, ভাৰতৰ অন্যান্য পবিত্ৰ স্থানসমূহৰ প্ৰতিও ভাবুকি প্ৰদান কৰিছে। আৰু এই ভিডিঅ’টোত ৰাম মন্দিৰ উদ্বোধনৰ সময়ত প্ৰধানমন্ত্ৰী মোদীয়ে প্ৰাৰ্থনা কৰা ছবি দেখা গৈছে। লগতে কানাডাত থকা ভাৰতীয়সকলকো হিন্দু মন্দিৰত খালিস্তানীৰ আক্ৰমণৰ পৰা আঁতৰি থাকিবলৈ সকীয়াই দিছে সংগঠনটোৱে।
পান্নুনে যাত্ৰীসকলক ১ৰ পৰা ১৯ নৱেম্বৰৰ সয়ছোৱাত এয়াৰ ইণ্ডিয়াৰ বিমানত যাতায়ত কৰিব নালাগে বুলি সকীয়াই দি কৈছিল এই সময়ছোৱা ১৯৮৪ চনৰ “শিখ গণহত্যা”ৰ ৪০ বছৰীয়া জয়ন্তীৰ সৈতে মিল আছে বুলি কয়৷
উল্লেখযোগ্য যে ২০২০ চনৰ জুলাই মাহত পান্নুনক ইউএপিএৰ অধীনত সন্ত্ৰাসবাদী হিচাপে চিহ্নিত কৰা হৈছিল।ভাৰত চৰকাৰেও তেওঁক গ্ৰেপ্তাৰৰ বাবে একাধিক ৱাৰেণ্ট জাৰি কৰাৰ পাছতো কৰায়ত্ত কৰিব পৰা নাই৷কাৰণ আমেৰিকা আৰু কানাডাৰ পৰাই হিংসাত্মক কাৰ্যকলাপ পৰিচালনা কৰি আহিছে।
Continue Reading
