ফলৰ ৰসৰ সৈতে ঔষধ গ্ৰহণ কৰিলে হ'ব পাৰে বিপদ !

ডিজিটেল ডেস্ক : ফলৰ ৰসৰ বা জুছৰ সৈতে আপুনি গ্ৰহণ কৰে নেকি ঔষধ৷ যদিহে পানীৰ সলনি জুছৰ সৈতে ঔষধ সেৱন কৰে, তেন্তে এতিয়াই সেই অভ্যাস ত্যাগ কৰক৷ চিকিৎসকৰ পৰামৰ্শ অনুসৰি ফলৰ ৰসৰ সৈতে কিছু ঔষধ গ্ৰহণ কৰিলে পাৰ্শ্বক্ৰিয়া হোৱাৰ সম্ভাৱণা অধিক৷ জানিব পৰা মতে ৰসৰ সৈতে ঔষধ গ্ৰহণ কৰিলে ঔষধৰ নিৰ্দিষ্ট প্ৰভাৱ হ্ৰাস হয়। বিশেষজ্ঞসকলৰ মতে ফলৰ ৰসৰ সৈতে ঔষধ গ্ৰহণ কৰিলে কেতিয়াবা এলাৰ্জিৰ দৰে সমস্যাৰ সৃষ্টি হ'ব পাৰে। এনে পৰিস্থিতিত, আঙুৰ, কমলা আৰু কেতিয়াবা আপেলৰ ৰসৰ সৈতে ঔষধ গ্ৰহণ কৰাটো মানুহৰ বাবে বিপদজনক হ'ব পাৰে। আনহাতে, আঙুৰৰ ৰসে তেজৰ প্ৰবাহলৈ যোৱা ঔষধৰ পৰিমাণ হ্ৰাস কৰে। সেয়েহে, ৰক্তচাপ আৰু হৃদস্পন্দনৰ ৰোগত আক্ৰান্ত ৰোগীসকলক আঙুৰৰ ৰস নাখাবলৈ সতৰ্ক কৰা হয়। ইপিনে, আন এক গৱেষণাত কোৱা হৈছে যে কৰ্কট ৰোগৰ ঔষধ কমলা, আপেল আৰু আঙুৰৰ ৰসৰ লগত খালে জৈৱ-প্ৰতিৰোধী ৰসৰ প্ৰভাৱ হ্ৰাস হয়। গৱেষণাত, আঙুৰৰ ৰসৰ সৈতে ঔষধ গ্ৰহণ কৰাৰ পাছত, দেখা গৈছিল যে কেৱল আধা ঔষধহে শৰীৰত প্ৰৱেশ কৰিবলৈ সক্ষম হৈছে। ফলৰ ৰসে ঔষধৰ শোষণ ক্ষমতা হ্ৰাস কৰে। পানীৰে ঔষধ গ্ৰহণ কৰাটো আটাইতকৈ সুৰক্ষিত। ঔষধ সদায় যথেষ্ট মাত্রাত পানীৰ সৈতেহে গ্ৰহণ কৰিব লাগে, অৰ্থাৎ সম্পূৰ্ণ এগিলাচ পানীৰ সৈতে। যদি ঔষধটো অলপ পানীৰে গ্ৰহণ কৰা হয়, ই শৰীৰত সঠিকভাৱে দ্ৰৱীভূত নহয়। কিন্তু যদি অধিক পানীৰে লোৱা হয়, সেইবোৰ সহজে দ্ৰৱীভূত হয়। অত্যাধিক ঠাণ্ডা পানীৰেও ঔষধ গ্ৰহণ কৰিব নালাগে।