ডিজিটেল ডেস্ক : ঘৰ এখনৰ সুখ-সমৃদ্ধিৰ বাবে আমি যৎপৰোনাস্তি চেষ্টা কৰো। আমি যেতিয়াই ঘৰখন বিশেষভাৱে সজাওঁ তেতিয়াই দিশৰ প্ৰতি গুৰুত্ব দিয়া উচিত। সেয়েহে আজি আমি একুৰিয়াম ৰখাৰ দিশৰ বিষয়ে কিছু কথা জানো আহক। বাস্তুশাস্ত্ৰৰ মতে ঘৰ এখনত একুৰিয়াম ৰখাটো অত্যন্ত শুভ বুলি গণ্য কৰা হয়। ঘৰত একুৰিয়াম ৰাখিলে সুখ-সমৃদ্ধিয়ে বিৰাজ কৰে। বাস্তু অনুসৰি একুৰিয়াম কেতিয়াও দক্ষিণ দিশত ৰাখিব নালাগে। ইয়াক পূব, উত্তৰ আৰু উত্তৰ-পূব দিশত ৰখা উচিত।
বাস্তুশাস্ত্ৰৰ মতে ঘৰ এখনত সঠিক স্থানত একুৰিয়াম ৰাখিলে মালক্ষ্মী সন্তুষ্ট হৈ আশীৰ্বাদ প্ৰদান কৰে। এনে ঘৰত সদাই মালক্ষ্মী বাস কৰে আৰু ধন-সম্পত্তি বৃদ্ধি কৰে। বাস্তুৰ মতে, ঘৰত ৰখা একুৰিয়ামে মানসিক চাপ হ্ৰাস কৰে।
একুৰিয়ামত কিমান মাছ থাকিব লাগে?
যেতিয়াই একুৰিয়ামত মাছ ৰখা হয় তেতিয়াই ইয়াৰ সংখ্যাৰ প্ৰতি গুৰুত্ব দিয়া উচিত। মাছ সদায় ৯ সংখ্যাত ৰাখিব লাগে। ইয়াৰ ফলত ঘৰত সুখ, শান্তি অটুট থাকে। ইয়াৰ উপৰি ৮টা মাছৰ লগতে এটা ক’লা ৰঙৰ মাছ ৰখাটোও শুভ বুলি গণ্য কৰা হয়।
Continue Reading
