হামাছৰ মুৰব্বী ইয়াহ্যা সিনৱাৰৰ হত্যা ; মাটিৰ তলত পুতি থোৱা অৱস্থাত উদ্ধাৰ মৃতদেহ

জানিব পৰা মতে, মৃত্যুৰ সময়ত ইয়াহ্যা সিনৱাৰে গ্ৰেনেড ভৰ্তি জেকেট পিন্ধি আছিল। যাৰ বাবে ইজৰাইলী সৈন্যই তেওঁৰ ওচৰলৈ যোৱাটো বহুদিন এৰাই চলিছিল। ইজৰাইলে স্পষ্টকৈ কয় যে তেওঁলোকে ৭ অক্টোবৰৰ হামাছৰ আক্ৰমণৰ মাষ্টাৰমাইণ্ড ইয়াহ্যা সিনৱাৰক হত্যা কৰিছে। হামাছৰ মুৰব্বী তথা ৭ অক্টোবৰৰ আক্ৰমণৰ মাষ্টাৰমাইণ্ড ইয়াহ্যা সিনৱাৰৰ মৃতদেহ মাটিৰ তলত পুতি থোৱা দেখা গৈছে। সিনৱাৰৰ ফটো ছ’চিয়েল মিডিয়াত প্ৰচাৰ হ’বলৈ ধৰিছে ৷

হ’ল’কাষ্টৰ পিছত ইহুদীসকলৰ ওপৰত সংঘটিত হোৱা আটাইতকৈ মাৰাত্মক আক্ৰমণৰ পৰিকল্পনা কৰা সিনৱাৰ গাজা ষ্ট্ৰিপত অভিযানৰ সময়ত সম্ভৱতঃ নিহত হোৱা তিনিজন সন্ত্ৰাসবাদীৰ ভিতৰত অন্যতম। ইজৰাইলৰ সংবাদ মাধ্যমেও প্ৰকাশ কৰিছে যে এই অভিযানটো আছিল এক নিয়মীয়া অভিযান, য’ত কাকতলীয়াভাৱে সিনৱাৰৰ মৃত্যু হৈছিল। এই হামাছ সন্ত্ৰাসবাদীৰ মৃতদেহটো এখন ভয়ংকৰ ৰূপত দেখা গৈছে। যিটো সিনৱাৰ আৰু আংশিকভাৱে ধ্বংসাৱশেষৰ তলত পুতি থোৱা বুলি ধাৰণা কৰা হৈছে। আনহাতে তেওঁক ঘেৰি ধৰিছে ইজৰাইলৰ তিনিটা প্ৰতিৰক্ষা বাহিনীৰ সৈন্যই।