ডিজিটেল ডেস্কঃ সম্পত্তিৰ ক্ষেত্ৰত ঝাৰখণ্ডৰ মুখ্যমন্ত্ৰী হেমন্ত ছ’ৰেন, পত্নী কল্পনা ছ’ৰেনতকৈ পিছ পৰি আছে। বৃহস্পতিবাৰে বৰহেট বিধান সভা সমষ্টিৰ পৰা মনোনয়ন দাখিল কৰাৰ সময়ত হেমন্ত ছ’ৰেনে শপতনামাত নিজৰ সম্পত্তিৰ সবিশেষ দাঙি ধৰে।
এই তথ্য অনুসৰি হেমন্ত ছ’ৰেনৰ হাতত নগদ ধন মাত্ৰ ৪৫ হাজাৰ টকা, আনহাতে তেওঁৰ পত্নী কল্পনা ছ’ৰেনৰ হাতত আছে ২ লাখ পাঁচ হাজাৰ টকা। মুখ্যমন্ত্ৰী হেমন্ত ছ’ৰেনৰ বিভিন্ন বেংক একাউণ্টত মুঠ ৭৪ লাখ ২৮ হাজাৰ ৬৭৬ টকা আৰু পত্নী কল্পনা ছ’ৰেনৰ বেংক একাউণ্টত ৮১ লাখ ৩১ হাজাৰ ৩৪৮ টকা আছে।
মুখ্যমন্ত্ৰীগৰাকীয়ে ৫ লাখ ২৪ হাজাৰ ৬১২ টকা আৰু পত্নী কল্পনা ছ’ৰেনে বিভিন্ন সামগ্ৰীত ৬১ লাখ ৪৬ হাজাৰ ৩৭৪ টকা বিনিয়োগ কৰিছে। মুখ্যমন্ত্ৰী হেমন্তই এলআইচি আৰু পিপিএফত ৪৩ লাখ ৩৯ হাজাৰ ৫৬৬ টকা জমা দিয়াৰ বিপৰীতে পত্নী কল্পনা ছ’ৰেনে ৬৪ লাখ ৯০ হাজাৰ ৭৮ টকা জমা কৰিছে। মুখ্যমন্ত্ৰী হেমন্তৰ পত্নীৰ হাতত ৯১ লাখ ৯৭ হাজাৰ ৩৫২ টকাৰ গহনা আছে, আনহাতে মুখ্যমন্ত্ৰীৰ হাতত মাত্ৰ ১৮ লাখ ৯১ হাজাৰ ১৫২ টকাৰ গহনা আছে।
কল্পনা ছ’ৰেনৰ নামত তিনিখন বাহন আছে। এই বাহনসমূহৰ বজাৰ মূল্য ৫৬ লাখ ২০ হাজাৰ ১৩৮ টকা। মুখ্যমন্ত্ৰী হেমন্ত ছ’ৰেনে অকৃষি ভূমিৰ সবিশেষ দাঙি ধৰিছে যাৰ দাম ২০,৬৪,৮৭৫ টকা । দুজন আশ্ৰয়দাতাৰ হাতত ২,৯৬,০২৪ টকা বুলি কোৱা হৈছে। ইয়াৰ উপৰিও মুখ্যমন্ত্ৰী হেমন্ত ছ’ৰেনৰ নামত বিভিন্ন থানাতো ৫টা গোচৰ বিচাৰাধীন হৈ আছে।
২০১৯ চনৰ বিধানসভা নিৰ্বাচনৰ সময়ত হেমন্ত ছ’ৰেন মুখ্যমন্ত্ৰী নাছিল। তেওঁৰ হাতত নগদ ২৫ লাখ ১৩ হাজাৰ ৫৩০ টকা আৰু পত্নী কল্পনা ছ’ৰেনৰ হাতত আছিল ২ লাখ ৫৫ হাজাৰ ২৪০ টকা। এনেদৰে পৰ্যবেক্ষণ কৰিলে মুখ্যমন্ত্রী হিচাপে হেমন্ত ছ’ৰেনে বিগত পাঁচ বছৰত প্রায় ২৫ লাখ টকা খৰচ কৰাৰ বিপৰীতে পত্নী কল্পনা সোৰেনে নগদ ৫০ হাজাৰ টকাহে ব্যয় কৰিছে৷
২০১৯ চনত হেমন্ত ছ’ৰেনৰ বিভিন্ন বেংক একাউণ্টত মুঠ ৩২,৫৪,৫৫৫ টকা থকাৰ লগতে কল্পনা ছ’ৰেনৰ বেংক একাউণ্টত মুঠ ১৭,৮২,৯৪৫ টকা আছিল। এতিয়া পাঁচ বছৰৰ পাছত মুখ্যমন্ত্ৰীৰ একাউণ্টত ৭৪,২৮,৬৭৬ টকা আৰু পত্নী কল্পনা সোৰেনৰ একাউণ্টত আছে ৮১,৩১,৩৪৮ টকা। এনেদৰে মুখ্যমন্ত্রী হিচাপে হেমন্ত ছ’ৰেনৰ একাউণ্টত মুঠ ৪১,৭৪,১২১ টকা বৃদ্ধি পোৱাৰ লগে লগে পত্নী কল্পনা ছ’ৰেনৰ একাউণ্টত ৬৩,৪৮,৪০৩ টকা বৃদ্ধি পাইছে৷
Continue Reading
