ডিজিটেল ডেস্কঃ কাইলৈ ২২ জুন। কাইলৈৰ পৰা আৰম্ভ হব অম্বুবাচী বা ষাঁঠ। আহাৰ মাহত উদযাপন কৰা অসমৰ আন এক উৎসৱ হ'ল অম্বুবাচী বা ষাঁঠ । সংস্কৃতত 'অম্বু'ৰ অৰ্থ পানী আৰু 'বাচী'ৰ অৰ্থ প্ৰকাশিত বা পুষ্পিত হোৱা। অম্বুবাচীত পৃথিৱী ঋতুমতী হয় বুলি বিশ্বাস কৰা হয়। আহাৰ মাহৰ সাত তাৰিখে পৃথিৱী ঋতুমতী হয় বুলি জনবিশ্বাস প্ৰচলিত।
আহাৰ মাহৰ সাত তাৰিখে এই উৎসৱৰ সূত্ৰপাত হোৱা বাবে অসমকে ধৰি পূৰ্বাঞ্চলত অম্বুবাচীক 'সাত' বা 'ষাঁঠ' বোলা হয়। অম্বুবাচীৰ সময়ত তিনিদিন পৃথিৱী অশুচি হৈ থাকে বুলি বিশ্বাস কৰা অম্বুবাচীৰ প্ৰবৃত্তি হ'ব ২২ জুন, বৃহস্পতিবাৰ নিশা ২ বাজি ৩২ মিনিটত আৰু নিবৃত্তি হ'ব ২৬ জুন, সোমবার দুপৰীয়া ২ বাজি ৫৬ মিনিটত। অম্বুবাচীৰ সময়ত কি কি কৰিলে শুভ আৰু কি কি কৰিলে অশুভ জানো আহক।
আৰু পঢ়ক : প্ৰতি নিশা মুখত ভিটামিন ই তেল লগাওক
১) যিসকলে ব্ৰত পালন কৰে সেইসকলে নিয়ম মতে ব্ৰত পালন কৰিব লাগে আৰু যিসকলে ব্ৰত পালন নকৰে তেওঁলোকে নিৰামিষ আহাৰ গ্ৰহণ কৰিব লাগে।
২) বিধৱা আৰু অম্বুবাচীৰ সময়ত ঋতুস্ৰাৱ হোৱা মহিলাই এই দিনকেইটাত উপবাসে থাকি ব্ৰত পালন কৰিলে শুভ ফল লাভ কৰে।
৩) লোক বিশ্বাসমতে এই সময়ত উঁই পৰুৱা, গুৰি পৰুৱা, কেঁচু আদিয়েও মাটি নাখান্দে। গতিকে মাটি খন্দাৰ পৰা বিৰত থাকিব লাগে।
৪) হাল-কোৰ বাব নালাগে। খেতি নকৰিব। গছ ৰোপণ কৰিব নালাগে।
৫) পূজা-পাৰ্বণকে ধৰি কোনো ধৰণৰ মাংগলিক অনুষ্ঠান অনুষ্ঠিত কৰিব নালাগে।
৬) পৰাপক্ষত বাকচ-পেৰা আদিও খুলিব নালাগে।
৭) অম্বুবাচীৰ নিবৃত্তিৰ সময়ত ঘৰ-বাৰী, কাপোৰ-কানি ধুই-মচি পৰিষ্কাৰ কৰিব লাগে।
৮) এই সময়ত যিমান পাৰি ইষ্টমন্ত্ৰ জপ কৰক।
৯) এই সময়ত দেৱীৰ মূৰ্তিক ৰঙা কাপোৰেৰে ঢাকি ৰাখক।
১০) অম্বুবাচীৰ সময়ত আম, গাখীৰ সেৱন কৰিলে সাপৰ ভয় দূৰ হয়।
১১) ঘৰ বা মাটি কিনিব নালাগে।
১২) এই সময়ত সাপক কোনো ধৰণৰ আঘাত নিদিব।
১৩) বিশেষ প্ৰয়োজন নোহোৱাকৈ ক'লৈকো যাব নালাগে।
১৪) যিসকলে নিয়মিতভাৱে দেৱী কালী, দুৰ্গা, জগধাত্ৰী, বিপদতাৰিণী, শীতলা, চণ্ডী আদি ঘৰতে পূজা কৰে তেওঁলোকে মূৰ্তিটো ৰঙা কাপোৰেৰে ঢাকি ৰাখিব লাগে।
১৫) কিছুমানে অম্বুবাচীৰ তিনিদিন ব্ৰহ্মচৰ্য নিয়ম পালন কৰে। মানি চলাটো ভাল।
১৬) এই সময়ত নদীত গা ধুবও নালাগে বুলি কোৱা হয়।
১৭) অম্বুবাচীৰ সময়চোৱাত কেঁচা বা এৱাঁ গাখীৰ খাব লাগে। জ্যোতিষ শাস্ত্ৰ অনুসৰি কেচাঁ গাখীৰ খালে দেহত থকা বিষক্ৰিয়া নাইকিয়া হয়। অম্বুবাচীৰ আটইকেইদিন কেঁচা গাখীৰ খোৱাতো দেহৰ বাবে মংগলজনক।
১৮) কেঁচা ফল-মূল এই সময়চোৱাৰ বাবে উত্তম খাদ্য।
Continue Reading
