ক্ৰিকেট ইতিহাসৰ সেই স্বৰ্ণীল দিনটো! স্মৃতি ৰোমন্থন ক্ৰিকেট প্ৰেমীৰ

দক্ষিণ আফ্ৰিকাৰ ডাৰবানস্থিত কিংছমেড ষ্টেডিয়ামত অনুষ্ঠিত আইচিচি টি-২০ বিশ্বকাপৰ এখন খেলত, যুৱৰাজ সিঙে ইংলেণ্ডৰ ষ্টুৱাৰ্ট ব্ৰডৰ এটা অভাৰত ছয়টা ছয় সংগ্ৰহ কৰছিল। ইংলেণ্ডৰ বিৰুদ্ধে এই মেচখনত যুৱৰাজ সিঙে ১২ বলত ৫০ ৰান কৰি, টি-২০ আন্তঃৰাষ্ট্ৰীয় ক্ৰিকেটত দ্ৰুততম অৰ্ধশতকৰ ৰেকৰ্ড গঢ়িছিল। ক্ৰীড়াবিদ গৰাকীৰ এই দুৰ্দান্ত প্ৰদৰ্শনে ক্ৰীড়া প্ৰেমীৰ অন্তৰ জয় কৰিছল৷ আৰু এই কৃতিত্বই ক্ৰিকেটৰ ইতিহাসত এক নতুন অধ্যায়ৰ সূচনা কৰিছিল৷ এই দিনটো কেৱল ভাৰতীয় ক্ৰিকেটৰ বাবে নহয় সমগ্ৰ বিশ্বৰ ক্ৰিকেটৰ বাবে এই দনটো স্মৰণীয় দিন হৈ ৰ'ল। এই কৃতিত্ব অৰ্জনৰ ১৭ টা বৰ্ষ অতিক্ৰম কাৰাৰ পাছতো ক্ৰীড়া প্ৰেমী তথা বিশ্লেষক সকলে গৌৰৱেৰে স্মৰণ কৰিছে৷

যুৱৰাজ সিঙে, ২০০০ চনত কেনিয়াৰ বিৰুদ্ধে তেওঁৰ প্ৰথমখন এদিনীয়া আন্তঃৰাষ্ট্ৰীয় মেচত অভিষেক কৰিছিল আৰু ২০০৩ চনত নিউজিলেণ্ডৰ বিৰুদ্ধে প্ৰথমখন টেষ্ট মেচত অভিষেক কৰিছিল।আৰু ২০০৭ চনৰ ১৯ ছেপ্টেম্বৰত প্ৰথম আই চি.চি.টি-২০ বিশ্বকাপত ইংলেণ্ডৰ ষ্টুৱাৰ্ট ব্ৰডৰ এটা অভাৰত ছয়টা ছয় সংগ্ৰহ কৰিবলৈ সক্ষম হোৱাৰ লগতে ১২ টা বলত অৰ্ধশতক লাভ কৰি টি-২ আন্তঃৰাষ্ট্ৰীয় ক্ৰিকেটত সৰ্বাধিক দ্ৰুততম অৰ্ধশতকৰ ৰেকৰ্ড গঢ়িছিল। ২০১১ চনৰ আই চি চি ক্ৰিকেট বিশ্বকাপত ভাৰতক বিজয়ী কৰাত গুৰুত্বপূর্ণ ভূমিকা পালন কৰাৰ লগতে  টুৰ্ণামেণ্টৰ সৰ্বশ্ৰেষ্ঠ খেলুৱৈৰ সন্মান লাভ কৰিছিল যুৱৰাজ সিঙে।