ডিজিটেল ডেস্ক: পৰিভ্ৰমী চৰাইৰে ভৰিছে বিশ্ব ঐতিহ্য ক্ষেত্ৰ মানাহ ৰাষ্ট্ৰীয় উদ্যান। চীন,ম্যানমাৰ,থাইলেণ্ড,ইণ্ডোনেছিয়াৰ পৰা অহা কেবাটাও প্ৰজাতিৰ চৰাই পৰিলক্ষিত হৈছে মানাহ ৰাষ্ট্ৰীয় উদ্যানত।
উল্লেখ্য যে ৰাষ্ট্ৰীয় উদ্যানখনত অন্যান্য জীৱ-জন্তুৰ সমান্তৰালকৈ বৃদ্ধি পাইছে চৰাই- চিৰিকটিও।
মানাহত দেখিবলৈ পোৱা গৈছে বাহতলী, বাৰীসুন্দৰী, মুগা বৰণৰ ধনেশ পক্ষী, ৰঙচুৱা মাছৰোকাৰ উপৰিও মাণ্ডাৰিণ হাঁহ।
ইতিমধ্যে পৰ্যটকৰ কেমেৰাত বন্দী হৈছে এইসমূহ বিৰল প্ৰজাতিৰ চৰাই। উল্লেখ্য যে পৃথিৱীৰ পৰা ক্ৰমাৎ বিলুপ্তপ্ৰায় হৈছে কেবাটাও প্ৰজাতিৰ চৰাই।
কিন্তু ইয়াৰে কেবাটাও প্ৰজাতি এতিয়াও উপলব্ধ হৈ আছে মানাহ ৰাষ্ট্ৰীয় উদ্যানত। যিটো প্ৰকৃতিপ্ৰেমী তথা পৰ্যটকসকলৰ বাবে সুখবৰ।
Continue Reading
