ডিজিটেল ডেস্কঃ মধ্যপ্ৰদেশৰ মুখ্যমন্ত্ৰী মোহন যাদৱে সুৰা নিষেধাজ্ঞা সন্দৰ্ভত উজ্জয়িনত এটা ডাঙৰ বিবৃতি দিলে। ধৰ্মীয় চহৰত সুৰা নিষিদ্ধ কৰাৰ দিশত চৰকাৰে পদক্ষেপ গ্ৰহণ কৰিছে বুলিও তেওঁ কয়। ১ এপ্ৰিলৰ পৰা মধ্যপ্ৰদেশৰ বহু ধৰ্মীয় চহৰত সুৰা নিষিদ্ধ হ’ব বুলি আশা কৰা হৈছে।
মঙলবাৰে (২১ জানুৱাৰী) উজ্জয়িনত উপস্থিত হয় মোহন যাদৱ। অমৰ শ্বহীদ হেমু কালানীৰ প্ৰতিমূৰ্তিত উপস্থিত হৈ শ্বহীদ দিৱস উপলক্ষে পুষ্প অৰ্পণ কৰে। ৰাইজক সম্বোধন কৰি তেওঁ কয় যে স্বাধীনতা সংগ্ৰামীসকলক স্মৰণ কৰাটো অতি প্ৰয়োজনীয়।
মোহন যাদৱে কয় যে বহু স্বাধীনতা সংগ্ৰামীয়ে আনকি দেশৰ স্বাধীনতাৰ বাবে প্ৰাণ আহুতি দিছিল। হেমু কালানীকো তেওঁলোকৰ ভিতৰত এজন আছিল, প্ৰতিবছৰে শ্বহীদ দিৱসত হেমু কালানীৰ প্ৰতিমূৰ্তিত মালা পিন্ধিবলৈ আহে।
উল্লেখ্য যে ১ এপ্ৰিলৰ পৰা নতুন সুৰা নীতি কাৰ্যকৰী হ’ব। ইয়াৰ বাবেই ১ এপ্ৰিলৰ পৰা মধ্যপ্ৰদেশৰ ধৰ্মীয় চহৰত সুৰা উপলব্ধ নহ’ব বুলি আশা কৰা হৈছে। মধ্যপ্ৰদেশৰ মুখ্যমন্ত্ৰী ড০ মোহন যাদৱে ধৰ্মীয় চহৰত সুৰা নিষিদ্ধ কৰাৰ ইংগিত দিছে। উজ্জয়িনৰ বাহিৰেও ওমকাৰেশ্বৰ, দতিয়া, অমৰকান্তক, চিত্ৰকূট, সাঁচি, খাজুৰাহো আদি চহৰকো ইয়াত অন্তৰ্ভুক্ত কৰিব পাৰি।
Continue Reading
