মহাকুম্ভ মেলাত অঘটন! পদপিষ্ট হৈ মৃত্যু প্ৰায় ৩০ জন ভক্তৰ

প্ৰাপ্ত খবৰ অনুসৰি ২৯ জানুৱাৰীৰ পুৱতি নিশা ত্ৰিবেনী সংগমস্থলীত এই দুৰ্ঘটনা সংঘটিত হয়। সেই স্থানত একেলগে বহু লোক পদপিষ্টহৈ বাগৰি পৰে। এই পৰ্যন্ত ৩০ জন লোকৰ মৃত্যু হোৱাৰ বিপৰিতে আৰু ৬০ জনলোক আঘাট প্ৰাপ্ত হোৱা বুলি জানিব পৰা গৈছে। মৌনি অমৱস্যাৰ এদিন আগেয়ে মেলাত বিপুল জনসমাগমৰ পৰিলক্ষিত হয়।

দুৰ্ঘটনাৰ এদিন পূৰ্বে অৰ্থাৎ ২৮ জানুৱাৰীত কৰ্তৃপক্ষই জনসমাগমৰ সন্দৰ্ভত কিছু নিৰ্দেশনা জাৰি কৰিছিল। তেওঁলোকে তীৰ্থযাত্ৰীসকলক সংগম ঘাটলৈ যাবলৈ নিৰ্দিষ্ট লেন ব্যৱহাৰ কৰিবলৈ নিৰ্দেশনা প্ৰদান কৰিছিল। গম ঘাট পোৱাৰ সময়ত নিজৰ লেনত থকাকে ধৰি পবিত্ৰ স্নানৰ পিছত বেছি সময় ঘাটত ৰৈ নাথাকিবলৈ নিৰ্দেশ প্ৰদান কৰিছিল।

শেহতীয়াকৈ পোৱা তথ্য অনুসৰি হাইলাকান্দিৰ শ্ৰীনীতি পল নামৰ ৬৪ বছৰীয়া ব্যক্তিজনে প্ৰয়াগৰাজৰ মহাকুম্ভমেলাত আজি দুৰ্ভাগ্যজনকভাৱে পদপিষ্ট হৈ মৃত্যুবৰণ কৰে। এই দুৰ্ভাগ্যজনক ঘটনাটোত অসম চৰকাৰে গভীৰ দুখ প্ৰকাশ কৰিছে আৰু মৃতকৰ আত্মাৰ চিৰশান্তি কামনা কৰি পৰিয়ালবৰ্গক সমবেদনা জ্ঞাপন কৰিছে৷ অসম চৰকাৰে তেখেতৰ নিকটাত্মীয়ক ৫ লাখ ক্ষতিপূৰণ দিয়াৰ সিদ্ধান্ত গ্ৰহণ কৰিছে৷ ব্যক্তিজনৰ মৃতদেহ ঘৰলৈ ঘূৰাই অনাৰ বাবে পৰিয়াল আৰু কৰ্তৃপক্ষৰ সৈতে অসম চৰকাৰে যোগাযোগ অব্যাহত ৰাখিছে বুলি জানিব পৰা গৈছে৷ 

  

সংবাদ মাধ্যমৰ বাতৰি অনুসৰি ১৩ জানুৱাৰীৰ পৰা আৰম্ভ হোৱা কুম্ভ মেলাত এতিয়ালৈকে প্ৰায় ১৫ কোটি লোক উপস্থিত হৈছে। আজি প্ৰায় ১০ কোটি লোক মহাকুম্ভত উপস্থিত হোৱাৰ সম্ভাৱনা প্ৰকট কৰিছে।