মণিপুৰত প্ৰায় ৮ কোটি টকাৰ হেৰ’ইন জব্দ NCBৰ, দুজনক গ্ৰেপ্তাৰ

ডিজিটেল ডেস্ক: মণিপুৰত ড্ৰাগছৰ বিৰুদ্ধে NCBৰ বৃহৎ অভিযান। চুবুৰীয়া ৰাজ্যখনত জব্দ প্ৰায় ৮ কোটি টকাৰ হেৰ’ইন।

​NCB, অসম ৰাইফলছ আৰু মণিপুৰ আৰক্ষীৰ যুটীয়া অভিযান। চুৰাচান্দপুৰ জিলাৰ খুৱাখুৱালত জব্দ এই বৃহৎ পৰিমাণৰ ড্ৰাগছখিনি।

​৩.২৬৭ কিলোগ্ৰাম ওজনৰ মুঠ ৩৭৪ টা চাবোনৰ বাকচত উদ্ধাৰ হেৰ’ইন। ঘটনাৰ সৈতে জড়িত দুজন ড্ৰাগছ সৰবৰাহকাৰীক গ্ৰেপ্তাৰ।

​এখন জিপছী গাড়ী আৰু এখন মটৰ চাইকেলসহ দুটা ৱায়াৰলেচ ছেট জব্দ। ম্যানমাৰৰ হাইচিনৰ পৰা চুৰাচান্দপুৰলৈ অনা হৈছিল এই নিষিদ্ধ হেৰ’ইনখিনি।

​আন্তঃৰাষ্ট্ৰীয় ড্ৰাগছ মাফিয়াৰ বিৰুদ্ধে NCB-ৰ ধাৰাবাহিক অভিযান অব্যাহত। চলিত বৰ্ষত এতিয়ালৈকে মণিপুৰত ৭৫ কোটি টকাৰ ড্ৰাগছ জব্দ কৰিছে NCB-য়ে।