মাৰ্ঘেৰিটাঃ ৰাজ্যত এটিএম চুৰিকাণ্ডৰ ঘটনা নতুন নহয়। কিন্তু এইবাৰ এটিএম চুৰিকাণ্ডত জড়িত হৈছে বৃহৎ ৰাজহুৱা প্ৰতিষ্ঠানৰ মোটা অংকৰ পাৰিশ্ৰমিক লাভ কৰা কৰ্মচাৰীও।
লিডু আৰক্ষীচকীৰ ভাৰপ্ৰাপ্ত বিষয়া ৰঞ্জিত কুমাৰ বৰাৰ নেতৃত্বত যোৱা আৰক্ষীৰ জালত পৰে উত্তৰ-পূব কয়লা ক্ষেত্ৰৰ এজন কৰ্মচাৰী।আমাৰ সাংবাদিকে জনোৱা অনুসৰি, এটিএম চুৰিকাণ্ডত জড়িত থকাৰ অভিযোগত গ্ৰেপ্তাৰ হোৱা চোৰটো মাৰ্ঘেৰিটা চাৰিআলিৰ নিবাসী নাছিৰ হুছেইন। আৰক্ষীয়ে আটকাধীন চোৰটোৰ হাতৰ পৰা নগদ ১৫,৮১০ টকাসহ ৭খন এ টি এম কাৰ্ড জব্দ কৰিবলৈ সক্ষম হৈছে। ইতিমধ্যে লিডু আৰক্ষীয়ে গোচৰ নং ‘MRG-PSC/NO189/21UBS329IPC’ৰ অধীনত এটি গোচৰ ৰুজু কৰিছে।
Continue Reading
