নৱজোৎ সিং সিদ্ধুলৈ ছত্তীশগড় অসামৰিক সমাজে জাৰি কৰিলে ৮৫০ কোটি টকাৰ আইনী জাননী

এক প্ৰতিবেদন অনুসৰি চিচিএছৰ আহ্বায়ক ডাঃ কুলদীপ সোলাংকিয়ে কয় যে, "এনে ভুৱা দাবীয়ে মানুহক বিভ্ৰান্ত কৰি এলোপেথিক ঔষধ আৰু চিকিৎসাৰ ক্ষেত্ৰত নেতিবাচক চিন্তা প্ৰদান কৰিছে। আনকি কেন্সাৰ ৰোগীসকলেও নিজৰ ঔষধ সেৱন বন্ধ কৰিবলৈ বাধ্য হৈছে, যাৰ ফলত তেওঁলোকৰ মৃত্যু আশংকা বৃদ্ধি পাইছে ।"

প্রতিবেদনত উল্লেখ কৰা হৈছে যে সোলাংকিয়ে এসপ্তাহৰ ভিতৰত এই দাবীৰ সমৰ্থনত প্ৰমাণ দাখিল নকৰিলে নৱজোত কৌৰৰ বিৰুদ্ধে আইনী ব্যৱস্থা গ্ৰহণ কৰা হ’ব । লগতে দাবী কৰে যে ‘মিছা তথ্যই আন ৰোগীৰ স্বাস্থ্য বিপদত পেলাইছে, স্বামীৰ দাবীৰ ওপৰত নিজৰ স্থিতি স্পষ্ট কৰিবলৈ আৰু প্ৰয়োজনীয় চিকিৎসাৰ নথি  নাথাকিলে সংবাদমেল পাতক।’ নাগৰিক সমাজে ৰাজনীতিবিদলৈ পৰিণত হোৱা ক্ৰিকেটাৰগৰাকীৰ পত্নীক স্বামীৰ দাবী স্পষ্ট কৰিবলৈ আহ্বান জনাই কয় যে যিকোনো “ভুল বক্তব্যই’’ আন ৰোগীৰ স্বাস্থ্য বিপদত পেলাব পাৰে।

যোৱা ২১ নৱেম্বৰত এখন সংবাদমেলত সিদ্ধুৱে দাবী কৰিছিল যে কিছুমান ব্যৱস্থাই তেওঁৰ পত্নী নৱজোতক ষ্টেজ ৪ কেন্সাৰৰ পৰা আৰোগ্য লাভ কৰাত সহায় কৰিছে, যদিও চিকিৎসকে তেওঁক মাত্ৰ “৪০ দিন”হে দিছিল। এক প্ৰতিবেদন অনুসৰি সিদ্ধুৱে কেন্সাৰক "প্ৰদাহ"ৰ সৈতে তুলনা কৰিছিল, ইয়াৰ পৰা অনুমান কৰিব পাৰি যে এনে প্ৰদাহ গাখীৰ, ঘেঁহু (কাৰ্বহাইড্ৰেট), শোধিত আটা আৰু চেনিৰ ফলত হয়।