ডিজিটেল ডেস্ক : ১৮টা পুৰাণৰ ভিতৰত গড়ুৰ পুৰাণক মহাপুৰাণ বুলি গণ্য কৰা হয়। গড়ুৰ পুৰাণত জীৱন-মৃত্যুৰ চক্ৰৰ বিষয়ে অতি বিশদভাৱে বাখ্যা কৰা হৈছে। এই পুৰাণৰ মতে প্ৰতিটো জীৱৰে জন্ম-মৃত্যুৰ সময় প্ৰথমৰ পৰাই নিৰ্ধাৰিত থাকে। সেয়েহে কেতিয়াবা মৃত্যু স্বাভাৱিক হয়, যেনে-বাৰ্ধক্যৰ বাবে মৃত্যু, দীৰ্ঘদিনীয়া বেমাৰৰ পাছত হোৱা মৃত্যু ইত্যাদি। কিন্তু বহু সময়ত দুৰ্ঘটনা, আত্মহত্যাৰ বাবেই এজন ব্যক্তিয়ে নিজৰ জীৱন সম্পূৰ্ণ নকৰাকৈয়ে এই পৃথিৱী এৰি যায়। এনে মৃত্যুক অকাল মৃত্যু বোলা হয়। গড়ুৰ পুৰাণত অকাল মৃত্যুৰ লক্ষণ আৰু কাৰণ বিষয়েও ব্যাখ্যা কৰা হৈছে।
এজন ব্যক্তিৰ জীৱন ৪ ভাগত বিভক্ত - শিশুকাল, কৈশোৰ, প্ৰাপ্তবয়স্ক আৰু বাৰ্ধক্য। কিন্তু বহু সময়ত বিভিন্ন কাৰণত জীৱনৰ দ্বিতীয় বা তৃতীয় পৰ্যায়ত এই পৃথিৱীৰ পৰা আঁতৰি যায়। যেতিয়া কোনো ব্যক্তিয়ে আত্মহত্যা কৰি নিজৰ মৃত্যুক আঁকোৱালি লয় তেতিয়া ইয়াক অকাল মৃত্যু বুলি কোৱা হয়। এনে ব্যক্তিৰ আত্মাই মৃত্যুৰ পাছত পৰলোকত বিচৰণ কৰি থাকে আৰু নিজৰ নিয়তিৰ জীৱন সম্পূৰ্ণ কৰিবলৈ অপেক্ষা কৰি থাকে। অৰ্থাৎ শৰীৰৰ পৰা ওলাই যোৱাৰ পাছতো মানুহৰ আত্মাই এই সংসাৰ এৰি নাযায় আৰু নতুন দেহো নাপায়।
মৃত্যুৰ কথা ক’লে অকাল মৃত্যুৰ ভিতৰত আত্মহত্যাক আটাইতকৈ ঘৃণনীয় আৰু নিন্দনীয় কাণ্ড বুলি গণ্য কৰা হয়। ঈশ্বৰে এজন ব্যক্তিক দিয়া জীৱন সম্পূৰ্ণ নকৰাকৈ পৰলোক এৰি যাবলৈ চেষ্টা কৰাটো অতি নিন্দনীয়। যদি স্বাভাৱিকতে অকাল মৃত্যু ঘটে তেন্তে এনে মৃতকৰ আত্মাই নূন্যতম ৩দিনৰ ভিতৰত বা সৰ্বাধিক ৪০দিনৰ ভিতৰত আন এটা শৰীৰ লাভ কৰে। কিন্তু আত্মহত্যা কৰা মানুহৰ আত্মাই পৃথিৱীত বিচৰণ কৰি থাকে।
Continue Reading
