ডিজিটেল ডেস্ক: হংকং ক্ৰিকেট ছিক্স প্ৰতিযোগিতাত ভাৰতক ৬ উইকেটত পৰাস্ত কৰিছে পাকিস্তানে। পাকিস্তানী দলটোৱে এতিয়া গ্ৰুপ পৰ্যায়ৰ দুয়োখন খেলতে জয়লাভ কৰি কোৱাৰ্টাৰ ফাইনেলত স্থান নিশ্চিত কৰিছে। এই মেচত প্ৰথম খেলা ভাৰতীয় দলে নিৰ্ধাৰিত ৫ অভাৰত ১১৯ ৰান সংগ্ৰহ কৰে।
আনহাতে পাকিস্তান দলে এই খেলখনত কোনো উইকেট নেহেৰুৱাই ৬ উইকেটত জয়লাভ কৰিছে। উল্লেখ্য যে হংকং ছিক্স টুৰ্ণামেণ্টত এটা দলে ৬ জন খেলুৱৈ লৈ খেলপথাৰত নামে।
ভাৰতৰ হৈ ইনিংছ আৰম্ভ কৰে ৰবিন উথাপ্পা আৰু ভাৰত চিপ্লিয়ে। উথাপ্পাই ৮ বলত ৩১ ৰান সংগ্ৰহ কৰাৰ বিপৰীতে ভৰতে ১৬ বলত ৫৩ ৰানৰ উজ্জ্বল ইনিংছ খেলে। কেদাৰ জাধৱে মাত্ৰ ৮ ৰানহে কৰিব পাৰিলে আৰু তেওঁৰ পিছত মনোজ তিৱাৰীয়ে ৭ বলত ১৭ ৰানৰ ইনিংছ খেলি দলটোক ১১৯ ৰানলৈ লৈ যোৱাত গুৰুত্বপূৰ্ণ ভূমিকা পালন কৰে। পাকিস্তানৰ হৈ দুয়োটা উইকেট দখল কৰে ফাহিম আশ্ৰফে।
যেতিয়া পাকিস্তানে ১২০ ৰানৰ লক্ষ্য বান্ধি দিয়ে, তেতিয়া মহম্মদ আখলাক আৰু আছিফ আলীয়ে একেলগেউন্মাদেৰে বেটিং আৰম্ভ কৰে। আখলাকে ১২টা বলত ৪০ ৰান সংগ্ৰহ কৰাৰ বিপৰীতে আছিফ আলীয়ে ১৪টা বলত ৫৫ ৰানৰ অৰ্ধশতক অৰ্জন কৰে যদিও খেলখন শেষ কৰাৰ আগতেই আঘাত পাই মেচৰ পৰা বাহিৰ হয় । মেচখন সম্পূৰ্ণ কৰে অধিনায়ক ফাহীম আশ্ৰফে মাত্ৰ ৫টা বলত ২২ ৰান সংগ্ৰহ কৰি।
হংকং ছিক্স প্ৰতিযোগিতাৰ পুল চিত স্থান লাভ কৰে ভাৰত আৰু পাকিস্তানে। পাকিস্তানে প্ৰথমে UAEক ৬ উইকেটত পৰাস্ত কৰিছিল আৰু এতিয়া ভাৰতকো পৰাস্ত কৰি পোনপটীয়াকৈ কোৱাৰ্টাৰ ফাইনেলত প্ৰৱেশ কৰিবলৈ সক্ষম হৈছে। এখন মেচত পৰাস্ত হৈ বৰ্তমান ভাৰতীয় দলটো টেবুলৰ দ্বিতীয় স্থানত আছে। যদি ভাৰতীয় দলে UAEক পৰাস্ত কৰে তেন্তে ভাৰতো কোৱাৰ্টাৰ ফাইনেলত প্ৰৱেশ কৰিব।
Continue Reading
