পুনৰ পেট্ৰ’লৰ দামবৃদ্ধি! প্ৰতিলিটাৰৰ মূল্য হ’লগৈ ১২০টকা

ডিজিটেল ডেস্ক: পেট্ৰ’ল-ডিজেলৰ জুই চাই দামবৃদ্ধিত ক্ষোভিত দেশবাসী! শতকৰ ঘৰ পাৰ হোৱা পেট্ৰ’ল-ডিজেলৰ বৰ্ধিত মূল্য ই এতিয়া যেন পৰা কৰিব সকলো সীমা৷ ৰাজ্যত কেতিয়াবা যদি চৰকাৰ বিৰোধী শ্ল’গান, আন কেতিয়াবা আকৌ চাইকেল চলায় অভিনৱ প্ৰতিবাদ৷ তথাপি যেন ৰজাঘৰীয়াৰ দৃষ্টি আকৰ্ষণ কৰিব পৰা নাই প্ৰতিবাদৰ কণ্ঠই৷ মুঠতে পেট্ৰ’ল-ডিজেলৰ দামবৃদ্ধিত জৰ্জৰিত হৈ পৰিছে জনতা৷

এইবাৰ মধ্যপ্রদেশত সৰ্বাধিক হৈছে পেট্র’ল-ডিজেলৰ দাম। মধ্যপ্রদেশত আজি প্ৰতিলিটাৰ পেট্র’লৰ মূল্য হ’লগৈ ১২০টকা, ডিজেলত ১০৯টকা অতিক্রম৷ দিল্লীতো পেট্র’লৰ ১০৮ টকা অতিক্রম৷ মহাৰাষ্ট্রত পেট্র’লে ১১৭টকা অতিক্রম কৰে৷ সেই একে ছবি অসমতো দেখাবলৈ পোৱা গৈছে৷

ৰাজ্যখনৰ মাজুলীত প্ৰতিলিটাৰ পেট্ৰ’লৰ দাম ১০৭ টকা হ’লগৈ৷ গুৱাহাটীত পেট্ৰ’লৰ দাম ১০৪.৬৫ টকা৷ আনহাতে, গুৱাহাটীতো ডিজেলৰ দাম ৯৭.২৪ টকা৷ ডিজেলৰ দামেও শতকৰ ঘৰ স্পৰ্শ কৰাৰ দিশে।