সুখবৰ! নতুন অৱতাৰত পুনৰ ঘূৰি আহিব এম্বেছাদৰ

এম্বেছাদৰ গাড়ী নিৰ্মাণ কৰা বিখ্যাত কোম্পানী হিন্দুস্তান মটৰ্ছে ইলেক্ট্ৰিক বাহন ছেগমেণ্টত প্ৰৱেশ কৰি পুনৰবাৰ কামবেক কৰাৰ পৰিকল্পনা কৰিছে। আচলতে এই আইকনিক গাড়ীখনে ইলেক্ট্ৰিক অৱতাৰৰ সৈতে কামবেক কৰিবলৈ ওলাইছে। ভাৰতীয় অটোমোবাইল উদ্যোগত দ্ৰুত পৰিৱৰ্তন ঘটিছে। বৈদ্যুতিক বাহনৰ প্ৰতি জনসাধাৰণৰ আগ্ৰহ ক্ৰমাগতভাৱে বৃদ্ধি পাইছে। বৈদ্যুতিক বাহনৰ প্ৰচাৰৰ বাবে প্ৰয়োজনীয় চাৰ্জিং আন্তঃগাঁথনি শক্তিশালী কৰি তুলিছে চৰকাৰে। পৰিৱৰ্তিত পৰিৱেশত অটো নিৰ্মাতাসকলে নিজৰ বৈদ্যুতিক বাহনৰ নতুন মডেল প্ৰৱৰ্তন কৰিছে।

হিন্দুস্তান মটৰ্ছে ইভি উদ্যোগত ইউৰোপৰ এটা অটোমোবাইল কোম্পানীৰ সৈতে হাত মিলাই নিজৰ ব্যৱসায় পুনৰুজ্জীৱিত কৰিবলৈ বিচাৰিছে। অৱশ্যে কোম্পানীটোৰ সন্দৰ্ভত এতিয়ালৈকে বিশেষ তথ্য প্ৰকাশ হোৱা নাই। কিন্তু খবৰ অনুসৰি হিন্দুস্তান মটৰ্ছে ইউৰোপীয় ইভি নিৰ্মাতা কোম্পানীটোৰ সৈতে বুজাবুজিৰ চুক্তি স্বাক্ষৰ কৰিছে। বৰ্তমান দুয়োজন উৎপাদকে ইকুইটি গাঁথনিৰ বিষয়ে আলোচনা কৰি আছে। 

বৰ্তমানৰ প্ৰস্তাৱিত কাঠামোত হিন্দুস্তান মটৰ্ছৰ হাতত থাকিব ৫১ শতাংশ আৰু ইউৰোপীয় ব্ৰেণ্ডৰ হাতত থাকিব বাকী ৪৯ শতাংশ।কেৱল বৈদ্যুতিক গাড়ীয়েই নহয়, বৈদ্যুতিক দুচকীয়া বাহনো নিৰ্মাণ কৰা হ’ব এই যৌথ উদ্যোগৰ জৰিয়তে। আচলতে কোম্পানীটোৰ পৰা প্ৰথমটো প্ৰডাক্ট হ’ব এখন ইলেক্ট্ৰিক স্কুটাৰ। ইলেক্ট্ৰিক স্কুটাৰ বা বাইকখনে ক্ৰেতাসকলৰ পৰা ইতিবাচক সঁহাৰি লাভ কৰিছে। ইলেক্ট্ৰিক দুচকীয়া বাহনৰ বজাৰখন সৰ্বকালৰ সৰ্বোচ্চ স্তৰত আছে আৰু ক্ৰমাগতভাৱে বৃদ্ধি পাইছে। পশ্চিমবংগৰ হিন্দুস্তান মটৰ্ছৰ উত্তৰপাৰা প্লাণ্টত প্ৰথমে নিৰ্মাণ কৰা হ’ব বৈদ্যুতিক বাহনসমূহ। ২০১৪ চনলৈকে কাৰ্যক্ষম আছিল এই উদ্যোগটো। কোম্পানীটোৱে ব্যৱহাৰ কৰিব ২৯৫ একৰ উত্তৰপাৰা এলেকা। এই যৌথ উদ্যোগত প্ৰায় ৬০০ কোটি টকা বিনিয়োগ কৰা হ’ব। 

আৰু পঢ়কঃ ৩০ বছৰৰ পাছত শনি জয়ন্তীত আশ্চৰ্যকৰ সংযোগ! সূৰ্যাস্তৰ পূৰ্বে আজি জৰুৰ কৰক এই ৪টা কাম