ডিজিটেল ডেস্ক: ভাৰতৰ প্ৰাক্তন প্ৰধানমন্ত্ৰী মনমোহন সিঙৰ বৃহস্পতিবাৰে ৯২ বছৰ বয়সত মৃত্যু হয়। প্ৰধানমন্ত্ৰী গৰাকীৰ মৃত্যুত সমগ্ৰ গদেশতে শোকৰ ছাঁ পৰিছে। প্ৰধানমন্ত্ৰী গৰাকীৰ বিয়োগৰ পাছত তেওঁৰ জীৱনৰ এক অন্তৰ পৰশা কাহিনীয়ে চৰ্চা লাভ কৰিছে, ২০০৮ চনত শৈশৱৰ বন্ধু ৰাজা মহম্মদ আলীৰ সৈতে তেওঁৰ আৱেগিক পুনৰ মিলন।
১৯৩২ চনৰ ২৬ ছেপ্টেম্বৰত অবিভক্ত ভাৰতৰ পঞ্জাৱৰ (বৰ্তমান পাকিস্তানত) এখন গাঁও গাহত মনমোহন সিঙৰ জন্ম হৈছিল। তেওঁৰ জীৱনত ১৯৪৭ চনৰ বিভাজনৰ ফলত গভীৰ প্ৰভাৱ পৰিছিল, যাৰ ফলত তেওঁৰ পৰিয়ালে ঘৰ-বাৰী আৰু বন্ধু-বান্ধৱীক এৰি ভাৰতলৈ প্ৰব্ৰজন কৰিবলৈ বাধ্য হৈছিল।
২০০৪ চনত যেতিয়া মনমোহন সিং প্ৰধানমন্ত্ৰী হৈছিল, তেতিয়াই এই খবৰটো তেওঁৰ জন্ম গাঁৱতো বয়পি পৰিছিল, যাৰ ফলত তেওঁৰ শৈশৱৰ বন্ধু ৰাজা মহম্মদ আলীয়ে পুনৰ সংযোগ স্থাপন কৰিবলৈ সক্ষম হয়। শৈশৱৰ সময়ছোৱাত দুয়ো ঘনিষ্ঠ বন্ধু আছিল, একেখন প্ৰাথমিক বিদ্যালয়তে পঢ়িছিল আলীয়ে তেওঁক মৰমেৰে ‘মোহনা’ বুলি মাতিছিল।
২০০৮ চনৰ মে’ মাহত দশক দশক ধৰি বিচ্ছিন্নতাৰ অন্তত পুনৰ দিল্লীত দুই শৈশৱৰ বন্ধুৰ সাক্ষাৎ হয়। পুনৰ সময় আৰু সীমা অতিক্ৰম কৰা বন্ধুত্বক পুনৰ জগাৰিত হৈছিল। আলীয়ে সিঙক জন্ম গাঁৱৰ এখন ছবি উপহাৰ প্ৰদান কৰি দি তেওঁলোকৰ জন্ম গাঁৱৰ পৰা মাটি আৰু পানী লৈ আহিছিল। এতিয়া দুই বন্ধুৰ এই মিলন কাহিনীয়ে চৰ্চা লাভ কৰিছে।
উল্লেখযোগ্য যে তেওঁ আছিল ভাৰতৰ প্ৰথমজন শিখ প্ৰধানমন্ত্ৰী আৰু তেওঁ জৱাহৰলাল নেহৰুৰ পিছত সম্পূৰ্ণ কাৰ্যকাল সম্পূৰ্ণ কৰাৰ পিছত পুনৰ নিৰ্বাচিত হোৱা প্ৰথমজন প্ৰধানমন্ত্ৰী আছিল।
Continue Reading
