ডিজিটেল ডেস্কঃ ভাৰতত যুগ যুগ ধৰি গৰু গাখীৰ ব্যৱহাৰ হৈ আহিছে। কিন্তু, ইয়াৰ গোবৰৰ বহুতো গুণ আছে, এই গোবৰ খেতিত সাৰ হিচাপে ব্যৱহাৰ কৰা হয়। দেশত এনে বহু খেতিয়ক পাব, যিয়ে বৃহৎ পৰিসৰত গৰুৰ গোবৰ সাৰ হিচাপে ব্যৱহাৰ কৰে। অৱশ্যে এই ধাৰা এতিয়া বিদেশতো আৰম্ভ হৈছে। বৰ্তমান বিদেশতো গৰুৰ গোবৰৰ বাবে চাহিদা বৃদ্ধি পাইছে।
ভাৰতে গৰুৰ গোবৰ যিবোৰ দেশলৈ ৰপ্তানি কৰে, সেইবোৰ দেশৰ বিষয়ে আজি জানো আহক। আটাইতকৈ ডাঙৰ কথাটো হ’ল এই ৰপ্তানিৰ মূল্য কেৱল ১০ বা ২০ কোটি নহয়, ইয়াৰ মূল্য কেইবাশ কোটি। চীন আৰু আমেৰিকাৰ লগতে কিছুমান আৰব দেশো এই দেশসমূহৰ অন্তৰ্ভুক্ত।
এক প্ৰতিবেদন অনুসৰি ২০২৩-২৪ বৰ্ষত ভাৰতে মুঠ ১২৫ কোটি টকাৰ সতেজ গৰুৰ গোবৰ ৰপ্তানি কৰিছিল। ইয়াৰ উপৰিও ১৭৩.৫৭ কোটি টকাৰ গৰুৰ গোবৰৰ পৰা তৈয়াৰী সাৰ ৰপ্তানি কৰা হৈছিল। পচন সাৰ হিচাপে ৰপ্তানি কৰা হৈছিল ৮৮.০২ কোটি টকাৰ গৰুৰ গোবৰ। যদি আমি এই সমগ্ৰ সংখ্যাটো যোগ কৰো তেতিয়া ই প্ৰায় ৩৮৬ কোটি টকা হ’ব। অৰ্থাৎ এবছৰত ভাৰতে ৩৮৬ কোটি টকাৰ গৰুৰ গোবৰ অন্য দেশলৈ ৰপ্তানী কৰিলে।
যদি আমি ভাৰতৰ পৰা গৰুৰ গোবৰ ক্ৰয় কৰা শীৰ্ষ ১০খন দেশৰ কথা কওঁ, তেন্তে মালদ্বীপ প্ৰথম স্থানত আছে। ইয়াৰ পিছত আমেৰিকাই স্থান পায়। এই তালিকাৰ তৃতীয় স্থানত আছে ছিংগাপুৰ। চাৰি নম্বৰত চীন আৰু পাঁচ নম্বৰত আছে নেপাল। গৰুৰ গোবৰ ক্ৰয় কৰা দেশৰ তালিকাত ব্ৰাজিল ৬ নম্বৰ আৰু আৰ্জেণ্টিনা ৭ নম্বৰত আছে। অষ্ট্ৰেলিয়া ৮ নম্বৰত আৰু কুৱেইট ৯ নম্বৰত। ১০ নম্বৰত আছে ইউএই।
আন দেশৰ দৰে ইয়াতো গৰুৰ গোবৰ বেছিকৈ খেতিৰ বাবে ব্যৱহাৰ কৰা হয়। কিন্তু এই খেতি শাক-পাচলি আৰু শস্যৰ নহয়, খেজুৰৰহে। ইয়াৰ বৃহৎ খেতিয়কসকলে ভাৰতৰ পৰা গৰুৰ গোবৰ আমদানি কৰি ইয়াৰ গুড়ি বনাই খেজুৰ গছৰ শিপাৰ তলত ঢালি দিয়ে। বিশেষজ্ঞসকলৰ মতে এনে কৰিলে খেজুৰৰ উৎপাদন বৃদ্ধি পায়।
Continue Reading
