কাছাৰত পুনৰ গ্ৰেপ্তাৰ ভুৱা চিকিৎসক

ডিজেটেল ডেস্কঃ ভুৱা চিকিৎসকৰ বিৰুদ্ধে অভিযান অব্যাহত ৰাখিছে কাছাৰ আৰক্ষী। চিকিৎসা ব্যৱস্থাক ধ্বংস কৰি ৰোগীৰ জীৱনৰ সৈতে খেলি থকা ভুৱা চিকিৎসকৰ বিৰুদ্ধে পুনৰ এক সফল অভিযান চলাইছে কাছাৰ আৰক্ষীয়ে।

বুধবাৰে নিশা কাছাৰৰ লক্ষীপুৰ আৰক্ষীয়ে গোপন সূত্ৰৰ তথ্যৰ ভিত্তিত অভিযান চলাই পয়লাপুল অঞ্চলৰ পৰা এজন ভুৱা চিকিৎসকক আটক কৰে। গ্ৰেপ্তাৰ হোৱা ব্যক্তিজনৰ নাম শেখৰ আচার্য।

অভিযোগ, বৈধ নথিপত্ৰ বা চিকিৎসা যোগ্যতা নথকা অৱস্থাতেই নিজৰ ঘৰতে ৰোগীৰ চিকিৎসা চলাই আছিল তেওঁ। আৰক্ষীৰ অভিযানত উদ্ধাৰ হৈছে বিভিন্ন চিকিৎসা নথি, ঔষধ আৰু চিকিৎসা সামগ্ৰী। লগতে পোৱা গৈছে “ইণ্ডিয়ান কাউন্সিল অৱ অল্টাৰনেটিভ মেডিছিনছ”ৰ এটা সন্দেহজনক প্ৰমাণপত্ৰ । এই গ্ৰেপ্তাৰৰ সৈতে জিলাত এতিয়ালৈকে ভুয়া চিকিৎসকৰ সংখ্যা ১৮।