'অৰণ্য মানৱ' যাদৱ পায়েঙলৈ সোৱণশিৰিপৰীয়া মানৱ দৰদী বঁটা

ডিজিটেল ডেস্ক: অসম জাতীয়তাবাদী যুৱ-ছাত্ৰ পৰিষদৰ গোগামুখ আঞ্চলিক সমিতিয়ে একাদশ বাৰ্ষিক 'বৃহত্তৰ গোগামুখ বহাগী উৎসৱ ২০২৬' বিহুখনি এইবাৰ পি এম চি গোগামুখ নগৰ উচ্চ মাধ্যমিক বিদ্যালয়ৰ খেলপথাৰত অনুষ্ঠিত কৰিব। 

অহা ৪ আৰু ৫ মে'ত দুদিনীয়া বর্ণাঢ্য কাৰ্যসূচীৰে অনুষ্ঠিত হ'ব লগীয়া বিহুৰ ৪ মে'ৰ কাৰ্যসূচী অনুসৰি পুৱা পতাকা উত্তোলন, বিহু পতাকা উত্তোলন, শ্বহীদ তর্পণ, গছপুলি ৰোপণ, টেকেলী ভঙা আৰু কণী যুঁজ, সৰু বিহুৱতী, টকা বিহু, বৰ বিহুৱতী আদি অনুষ্ঠিত হ'ব। অন্তিম দিনাৰ কাৰ্যসূচী অনুসৰি পুৱা ১১ বজাত বর্ণাঢ্য সাংস্কৃতিক শোভাযাত্রা, বিভিন্ন জাতি-জনগোষ্ঠীৰ কৃষ্টি প্ৰদৰ্শন কৰা হ'ব। হুঁচৰি, মুকলি সভা, সম্বর্ধনা আৰু বঁটা অনুষ্ঠানত সোৱণশিৰি পৰীয়া মানৱ দৰদী বঁটা প্রদান কৰিব অৰণ্য মানৱ পদ্মশ্রী যাদৱ পায়েঙক। 

মুখ্য অতিথি হিচাপে অসম জাতীয়তাবাদী যুৱ-ছাত্ৰ পৰিষদৰ সভাপতি পলাশ চাংমাই, নির্দিষ্ট বক্তা হিচাপে পদ্মশ্রী ড° উদ্ধৱ কুমাৰ ভৰালী আদিয়ে অংশগ্ৰহণ কৰিব। বর্ণাঢ্য সাংস্কৃতিক শোভাযাত্রাত অংশগ্ৰহণ কৰিব স্নিগ্ধা গগৈ, কৌশিক ভৰদ্বাজে।

উৎসঃ দৈনিক জনমভূমি