ডিজিটেল ডেস্ক : মহানগৰীৰ উলুবাৰীত অঘটন। এক নিৰ্মাণ কাৰ্য চলাবলৈ গৈ বিদ্যুৎস্পৃষ্ট হৈ গুৰুতৰভাৱে আহত তিনিজনকৈ শ্ৰমিক।
উলুবাৰীস্থিত ZANS COMPLEXত সংঘটিত হৈছে এই ভয়ংকৰ অঘটন। ZANS COMPLEX ত থকা ‘D' Father Restro & Bar’ৰ নিৰ্মাণ কাৰ্য চলাই থকাৰ সময়তে চতুৰ্থ মহলাত সংঘটিত হয় এই অঘটন।
লোহাৰ পাইপ তলৰ পৰা ওপৰত উঠাবলৈ লওঁতেই বিদ্যুৎস্পৃষ্ট হয় শ্ৰমিক কেইজন। পাঁচ জনকৈ শ্ৰমিক জড়িত আছিল নিৰ্মাণ কাৰ্যত।
স্থানীয় লোকৰ তৎপৰতাত বিদ্যুৎস্পৃষ্ট হোৱা শ্ৰমিক কেইজনক প্ৰেৰণ কৰা হয় GMCH লৈ। শ্ৰমিক কেইজনৰ পৰিচয় জানিব পৰা হোৱা নাই।
জানিব পৰা মতে প্ৰিন্স মানস নামৰ লোকজনৰ মালিকাধীন Restro & Barখনৰ চলি আছিল নিৰ্মাণ কাৰ্য।
ঘটনাস্থলীত উপস্থিত হয় পল্টনবজাৰ আৰক্ষী।
Continue Reading
