ব্ৰাহ্ম’ছ মিছাইলেৰে ভাৰতৰ টাৰ্গেটত সমগ্ৰ পাকিস্তান ; পাকিস্তানক হুংকাৰ প্ৰতিৰক্ষা মন্ত্ৰী ৰাজনাথ সিঙৰ

ডিজিট়েল ডেস্কঃ উত্তৰ প্ৰদেশৰ লক্ষ্ণৌ কেন্দ্ৰত প্ৰথমবাৰৰ বাবে প্ৰস্তুত কৰা হ’ল বিধ্বংসী ব্ৰাহ্ম’ছ ক্ষেপণাস্ত্ৰ। ভাৰত-ৰাছিয়াৰ যৌথ উন্নত প্ৰযুক্তিৰে নিৰ্মিত ব্ৰাহ্ম’ছৰ টাৰ্গেটত এতিয়া সম্পূৰ্ণ পাকিস্তান।

এতিয়া পাকিস্তানৰ যিকোনো অংশতে আঘাত কৰিব পাৰিব ব্ৰাহ্ম’ছ চুপাৰছনিক মিছাইলে। ভাৰতীয় সেনাই এইদৰে ব্ৰাহ্ম’ছৰ নতুন খেপ লাভ কৰাৰ লগে লগে পাকিস্তানৰ বিৰুদ্ধে আগ্ৰাসী হৈ পৰিল ৰাজনাথ সিং।

পাকিস্তানক হুংকাৰ দি প্ৰতিৰক্ষা মন্ত্ৰী ৰাজনাথ সিঙে মন্তব্য কৰিলে অপাৰেচন সিন্দূৰ কেৱল ট্ৰেইলাৰ আছিল। পাকিস্তানক পুনৰ সমুচিত শিক্ষা দিবলৈ সাজু ভাৰতীয় সেনা। অপাৰেচন সিন্দূৰত পাকিস্তানে উপলব্ধি কৰিছিল যদিহে ভাৰতে পাকিস্তানক জন্ম দিব পাৰে। প্ৰয়োজনত পাকিস্তানক ভয়াৱহ আঘাতো দিব পাৰে। ব্ৰাহ্ম’ছ ক্ষেপণাস্ত্ৰৰে পাকিস্তানৰ প্ৰতিটো অংশতে ভাৰতীয় সেনাই এতি আক্ৰমণ কৰিব পাৰিব। এই বুলিও প্ৰতিৰক্ষা মন্ত্ৰীগৰাকীয়ে পাকিস্তানক সকীয়াই দিয়ে। ব্ৰাহ্ম’ছৰ পৰা ৰক্ষা পোৱাৰ বৰ্তমানলৈ পাকিস্তানৰ হাতত কোনো প্ৰযুক্তি নাই। যাৰ বাবে ভাৰতৰ উন্নত ব্ৰাহ্ম’ছ মিছাইল পাকিস্তানৰ বাবে এতিয়া আতংকৰ কাৰণ হৈ পৰিছে।