ডিজিটেল ডেস্কঃ হিয়াৰ আমঠু জুবিন গাৰ্গক শ্ৰদ্ধাঞ্জলি জনালে টি-ছিৰিজে । বিশেষভাৱে প্ৰস্তুত কৰা ভিডিঅ’ৰ জৰিয়তে তেওঁৰ আটাইতকৈ জনপ্ৰিয় বলীউড গীতসমূহ সংযোজন কৰিলে এটা ট্ৰেকত ।
১৬ অক্টোবৰত মুক্তি পোৱা ৪ মিনিট ৫৩ ছেকেণ্ডৰ “ট্ৰিবিউট টু জুবিন গাৰ্গ: দ্য গোল্ডেন ভইচ" শীৰ্ষক ভিডিঅ’টো টি-ছিৰিজৰ ইউটিউব চেনেলত উপলব্ধ ।
এই ভিডিঅ’টোত শিল্পীগৰাকীৰ জনপ্ৰিয়তাৰ মিশ্ৰণ প্ৰদৰ্শিত হৈছে, য’ত ভাৰতীয় সংগীতত তেওঁৰ অৱদানৰ ওপৰত আলোকপাত কৰা হৈছে।
“ভাৰতৰ স্পন্দন হৈ পৰা কণ্ঠক সন্মান জনাই — জুবিন গাৰ্গ, এজন কিংবদন্তি যাৰ সুৰ চিৰদিনৰ বাবে প্ৰতিধ্বনিত হ’ব। ‘ট্ৰিবিউট টু জুবিন গাৰ্গ: দ্য গোল্ডেন ভইচ’ মেছআপটো উপস্থাপন আৰু ৰিমিক্স কেড্ৰকে কৰিছে ।
ভিডিঅ’টোৱে ৩ লাখ ৬০ হাজাৰৰো অধিক ভিউজ লাভ কৰিছে। ১৯ ছেপ্টেম্বৰত ছিংগাপুৰত গায়কগৰাকীৰ মৃত্যুক লৈ দেশজুৰি শোক প্ৰকাশ কৰাৰ সময়তে এই শ্ৰদ্ধাঞ্জলি জনোৱা হৈছে, আৰু ইয়াৰ জৰিয়তে সমগ্ৰ বলীউড আৰু বিশ্বই সংগীতৰ মাজত তেওঁৰ চিৰস্থায়ী উত্তৰাধিকাৰক উদযাপন কৰিছে ।
Continue Reading
