'হাৰমনিয়াম আৰু কি বৰ্ডত সুৰৰ মূৰ্চ্ছনা তুলিবলৈ গল্ডিৰ হাত কেইখন আৰু নাই' - মনোজ বৰঠাকুৰ

ডিজিটেল ডেস্কঃ সমগ্ৰ ৰাজ্যৰ চিনেমা হলত দৰ্শকৰ ভিৰ । বৰষুণত তিতি-বুৰিও চাবলৈ আহিল ৰৈ-ৰৈ বিনালে। 

আজি বিষণ্ণ মনেৰে ৰৈ ৰৈ বিনালে প্ৰত্যক্ষ কৰিলে জুবিন গাৰ্গৰ সম্বন্ধীয় খুৰাক তথা জ্যেষ্ঠ সাংবাদিক মনোজ বৰঠাকুৰে । জুবিন গাৰ্গৰ মৃত্যু সন্দৰ্ভত গৰিমা শইকীয়া গাৰ্গ আৰু পামি বৰঠাকুৰৰ সৈতে আৰক্ষীক এজাহাৰ দাখিল কৰিছিল সম্বন্ধীয় খুৰাক মনোজ বৰঠাকুৰে ।

ৰৈ ৰৈ বিনালে প্ৰত্যক্ষ কৰি আবেগিক হৈ মনোজ বৰঠাকুৰৰ কয় 'গল্ডিৰ সৃষ্টিক নৱ প্ৰজন্মই আগুৱাই নিব লাগিব । হাৰমনিয়াম আৰু কি বৰ্ডত সুৰৰ মূৰ্চ্ছনা তুলিবলৈ গল্ডিৰ হাত কেইখন আৰু নাই।'

তেওঁ আগলৈ কয়,'মুখ্যমন্ত্ৰীয়ে কোৱাৰ দৰে হত্যাৰ কথাটো আমিও সমৰ্থন কৰো । মুঠতে গল্ডিয়ে ন্যায় পাব লাগে আৰু ন্যায়পালিকাৰ ওপৰত আমাৰ সম্পূৰ্ণ আস্থা আছে। ন্যায় পাব বুলি আমাৰ বিশ্বাস ।'