জাগীৰোডৰ গণেশ টকিজ চিনেমা হলত উপস্থিত 'ৰৈ ৰৈ বিনালে'ৰ অন্যতম প্ৰযোজক শ্যামন্তক গৌতম

ডিজিটেল ডেস্কঃ জাগীৰোডৰ গণেশ টকিজ চিনেমা হলত উপস্থিত হয় জুবিন গাৰ্গৰ অন্তিমখন ছবি ৰৈ ৰৈ বিনালেৰ এগৰাকী প্ৰযোজক শ্যামন্তক গৌতম ৷ 

চিনেমা হলটোৰ বৰ্তমান পৰিৱেশ সন্দৰ্ভত বিভিন্ন দিশ পৰ্যবেক্ষণ কৰাৰ লগতে স্বত্বাধিকাৰী, পৰিচালক আৰু জুবিন ফেন ক্লাবৰ সদস্য সকলৰ সৈতে আলোচনাত মিলিত হয় ৷ অতি শীঘ্ৰেই জাগীৰোডৰ গণেশ টকিজত ৰৈ ৰৈ বিনালে প্ৰদৰ্শনৰ ব্যৱস্থা কৰা হ’ব বুলি সংবাদ মাধ্যমক অবগত কৰে প্ৰযোজক শ্যামন্তক গৌতমে ৷ 

জাগীৰোডৰ চিনেমা হলটো পুনৰ কাৰ্যক্ষম কৰাৰ জুবিন গাৰ্গৰ সপোন বাস্তৱায়িত হোৱাত সুখ প্ৰকাশ কৰে প্ৰযোজক গৰাকীয়ে ৷ আনহাতে মুম্বাইৰ পৰা অহা চাউণ্ড ইঞ্জিনিয়াৰ অমৃত প্ৰীতমেও শ্যামন্তক গৌতমক সংগ দি পৰিদৰ্শন কৰে হলটো ৷ ভাইমন দা ছবিৰ চিত্ৰগ্ৰহণ হোৱা হলটো চলি থাকিবলৈ সকলোকে সহযোগ কৰিবলৈ আহ্বান জনায় অমৃত প্ৰীতমে ৷ 

উল্লেখ্য যে, জুবিন গাৰ্গৰ অন্তিমখন ছবি ৰৈ ৰৈ বিনালে প্ৰদৰ্শনৰ বাবে পুনৰ মুকলি কৰা হৈছে বিগত ৬ বছৰে বন্ধ হৈ থকা জাগীৰোডৰ গণেশ টকিজ ৷