উজনিত ছোৱাইন ফ্লুৰ প্ৰাদুৰ্ভাৱৰ সংসাৰী ৰূপ

ডিজিটেল ডেস্কঃ গাহৰি পালনৰ যোগেৰে আত্মসংস্থাপনৰ বাট মুকলি কৰি লোৱা শিক্ষিত নিবনুৱাৰ মাজত এতিয়া হাহাকাৰ । ভয়ানক ৰূপত ক্ষতিগ্ৰস্ত হৈছে থলুৱা গাহৰি পালক। ৫ ৰপৰা ৭ কোটি মূল্যৰ গাহৰি নিধন জাঁজী-জামুগুৰি অঞ্চলত ।

শিৱসাগৰৰ জাঁজীত ক্ষতিগ্ৰস্ত গাহৰিপালক । জিলাখনত প্ৰায় ২০কোটিৰো টকাৰো অধিক মূল্যৰ গাহৰিৰ মৃত্যু হোৱা বুলি ঠাৱৰ কৰা হৈছে । গ্ৰাম্য অৰ্থনীতিত অভূতপূৰ্ব অৰিহণা আগবঢ়াই অহা ক্ষতিগ্ৰস্ত থলুৱা গাহৰিপালক সকলক সাহাৰ্য আগবঢ়াব পৰাকৈ বিভাগৰ হাতত নাই কোনো আঁচনি ।

আনহাতে বহি ৰাজ্যৰ গাহৰি চিণ্ডিকেটৰ ফলতো ক্ষতিগ্ৰস্ত থলুৱা গাহৰিপালক ।শিৱসাগৰ জিলা প্ৰশাসনে গাহৰি আৰু মাংস কিনা বেচা কৰাৰ ক্ষেত্ৰত নিষেধাজ্ঞা জাৰি কৰাৰ পাছতেই আৰম্ভ হৈছে গাহৰি নিধন যজ্ঞ ।

দহৰ পৰা পোন্ধৰ লাখলৈকে লোকচান হোৱা থলুৱা গাহৰিপালক সকলৰ চৰকাৰলৈ আহ্বান 'অসমৰ অৰ্থনীতিত অৱদান আগবঢ়োৱা থলুৱা উদ্যোগটোক নিশেষ হ'বলৈ নিদিব আমাক সহায় কৰক ।'