দেশৰ ৰাজহুৱা খণ্ডৰ তেল কোম্পানীৰ মাহে ৩০ হাজাৰ কোটি টকা লোকচান

ডিজিটেল ডেস্ক : পশ্চিম এছিয়াৰ অশান্তজৰ্জৰ পৰিস্থিতিৰ ফলত ভাৰতৰ ৰাজহুৱা খণ্ডৰ তেল কোম্পানীসমূহ বৃহৎ লোকচানৰ সন্মুখীন হৈছে। ইৰান-আমেৰিকাৰ যুদ্ধৰ ফলত তেহৰান কর্তৃপক্ষই হৰমুজ প্রণালী অৱৰোধ কৰি ৰখাত তেল, গেছ পৰিবাহী হাজাহসমূহে পাৰস্য উপসাগৰ পাৰ হ'ব পৰা নাই। ইয়াৰ ফলত বিশ্বত পেট্রল, ডিজেল আৰু ৰন্ধন গেছৰ দাম বৃদ্ধি হৈছে। 

কিন্তু গোলকীয় মূল্যবৃদ্ধিৰ পাছতো ভাৰতে পূৰ্বৰ দামতে এই পেট্রলিয়ামজাত পণ্য সামগ্রীসমূহ গ্রহকক যোগান ধৰি আহিছে। যাৰ ফলত দেশৰ ৰাজহুৱা খণ্ডৰ তেল কোম্পানীসমূহে মাহে ৩০ হাজাৰ কোটি টকাৰ লোকচানৰ সন্মুখীন হৈছে। এই তথ্য প্রকাশ কৰিছে কেন্দ্ৰীয় পেট্রলিয়াম মন্ত্ৰ্যালয়ৰ যুটীয়া সচিব সুজাতা শর্মাই। 

তেওঁ প্রকাশ কৰে যে ৰাজহুৱা খণ্ডৰ তেল কোম্পানী ইণ্ডিয়ান অইল, ভাৰত পেট্র লিয়াম আৰু হিন্দুস্তান পেট্রলিয়ামৰ মাহে সৰ্বমুঠ ৩০ হাজাৰ কোটি টকাকৈ লোকচান হৈ আছে। পেট্রল, ডিজেল আৰু ৰন্ধন গেছৰ উপৰি বিমানৰ ইন্ধন, জেট ইন্ধন আদিৰ নামতো এই তেল কোম্পানীসমূহ বৃহৎ ক্ষতিৰ সন্মুখীন হৈছে।

উৎসঃ দৈনিক জনমভূমি