অসম চৰকাৰৰ সাংস্কৃতিক পৰিক্ৰমা বিভাগৰ উদ্যোগত কাইলৈ ৰাজ্যজুৰি অনুষ্ঠিত হ'ব ড° ভূপেন হাজৰিকাৰ শ্ৰদ্ধাঞ্জলি অনুষ্ঠান

ডিজিটেল ডেস্কঃ ভাৰতৰত্ন ড° ভূপেন হাজৰিকাৰ চতুদৰ্শ মৃত্যুবাৰ্ষিকী উপলক্ষে অনুষ্ঠিত হ'বলগীয়া শ্ৰদ্ধাঞ্জলি অনুষ্ঠানত স্কুলীয়া ছাত্ৰ ছাত্ৰীয়ে পৰিবেশন কৰিব সুধাকণ্ঠ ড° ভূপেন হাজৰিকাৰ কালজয়ী গীত মানুহে মানুহৰ বাবে…।

এই উপলক্ষে কোকৰাঝাৰ চৰকাৰী উচ্চতৰ মাধ্যমিক আৰু বহুমূখী বিদ্যালয়ৰ খেলপথাৰত বিভিন্ন বিদ্যালয়/মহাবিদ্যালয় / বিশ্ববিদ্যালয়ৰ ছাত্ৰ-ছাত্ৰীয়ে আখৰাত ব্যস্ত হৈ পৰিছে। 

সকলোৱে সমস্বৰে গাইছে ড° ভূপেন হাজৰিকাৰ কালজয়ী গীত মানুহে মানুহৰ বাবে…।

এই সন্দৰ্ভত এক সংবাদমেলত সম্বোধন কৰি কোকৰাঝাৰ জিলা আয়ুক্ত মাছান্দা এম পাৰ্টিনে কয় যে শ্ৰদ্ধাঞ্জলি অনুষ্ঠানৰ সতে সংগতি ৰাখি মানুহে মানুহৰ বাবে গীতেৰে এক মানৱ শৃংখল কাৰ্যসূচীও হাতত লোৱা হৈছে। 

কাইলৈৰ অনুষ্ঠানত মুখ্য অতিথি হিচাপে বিটিচিৰ মুখ্য কাৰ্যবাহী হাগ্ৰামা মহিলাৰী, বিশিষ্ট অতিথি হিচাপে উৰ্খাও গৌৰা ব্ৰহ্ম উপস্থিত থাকিব । 

আনহাতে বড়োলেণ্ড বিশ্ববিদ্যালয়, কোকৰাঝাৰ বিশ্ববিদ্যালয়, বিজ্ঞান মহাবিদ্যালয় আদিকে ধৰি আন কেবাখনো বিদ্যালয়ৰ ছাত্ৰ-ছাত্ৰীয়ে কাইলৈ একেলগে গাব মানুহে মানুহৰ বাবে…